2017年1月28日 星期六

李亞男大爆王祖藍搵家用撻阿媽塊面 __,祖藍,李亞男,王祖藍,

唔係啩,咁爆?近年於內地賺到笑的王祖藍,去年斥資開設工作室,並於短時間內簽了18名藝人,實行為他們作全方位發展。雞年將至,祖藍將一如過往帶同家人出埠避年,但榮升老闆的他亦預早為員工準備大利是,日前旗下藝人徐子珊、趙勁皓(King)、張彥博及瑪姬等亦急急衝上公司,提早向老闆及老闆娘李亞男拜個早年。準備大疊500蚊派利是一眾藝人甫抵達公司即柴娃娃,疊疊不休說個不停,祖藍見狀即掏出大疊500蚊紙,眾人隨 ...


唔係啩,咁爆?

近年於內地賺到笑的王祖藍,去年斥資開設工作室,並於短時間內簽了18名藝人,實行為他們作全方位發展。雞年將至,祖藍將一如過往帶同家人出埠避年,但榮升老闆的他亦預早為員工準備大利是,日前旗下藝人徐子珊、趙勁皓(King)、張彥博及瑪姬等亦急急衝上公司,提早向老闆及老闆娘李亞男拜個早年。

準備大疊500蚊派利是

一眾藝人甫抵達公司即柴娃娃,疊疊不休說個不停,祖藍見狀即掏出大疊500蚊紙,眾人隨即雙眼發光兼起哄,亞男亦老闆娘上身搶過來逐張數,更搞笑地把錢撻向祖藍塊面謂:「錢吖!錢吖!你平時都係咁畀家用奶奶!」祖藍起初一臉衰樣,未幾又變臉與老婆互搶銀紙,二人更把戰場轉至祖藍的老闆房,子珊、King等人也加入戰團,情況一發不可收拾,還差點把銀紙扯爛,不過愛妻號的祖藍轉頭認低威,甘願被老婆扭耳仔受罰,轉頭又迎合地一人抱住一個財神紙牌當BB,氹得亞男一臉冧滋滋。

祖藍:「好耐冇見過500蚊。」

對於虎妻上身以銀紙撻老公,亞男坦言全因為奶奶出頭:「我識佢時見用錢撻落媽咪面度,身為鬼妹仔嘅我覺得好唔尊重長輩,以前唔敢話佢,今時今日梗係掟番錢畀佢。」問到祖藍會否用同一方法給家用亞男?他謂:「依家唔使畀,佢自己提款,我銀包都冇錢,好耐冇見過500蚊係點樣。」提到首年以老闆身份派利是,祖藍則話:「唔係好敢期待,因為會出血,預六位數字,要派畀無綫同事、自己公司、內地公司,仲唔係世界巡迴派錢會?」更指現時財政大權已交由太太管理,亞男笑指已努力學習中,問到抱住有財神當B,是否渴望生B?她謂:「呢樣係結婚後需要做嘅項目,但生B需要錢,今年未必成事。(老公話你係賢妻!生咗會粉身碎骨照顧BB?)到時係奮不顧身,依家要籌備下同調理身體。」

而轉戰商界搞珠寶設計的子珊,則表示望來年能拍戲與生意兩邊兼顧,更謂:「加入新公司之後,展望雞年大家合作愉快,搵多啲機會去內地工作。」

徐子珊服妝:MS MIN @ Lane Crawford

髮型:Debby Kwan @ HAiR

李亞男髮型:Nicole Yip @ ii Hair & Nail

瑪姬髮型:Roy Chow

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...