掃呢頁CODE去手機

2017年1月3日 星期二

【累街坊】活希兒拖Hello Kitty落水 賠上星途 __,活希兒,

活希兒現年34歲,係中澳混血兒,於澳洲出生,佢喺1998年同陳曉東拍牛仔褲廣告開始為人認識,係香港首代o靚模。由於佢「鬼鬼哋」,個樣又sweet,所以好快就走紅,仲不時喺電台及電視台舉辦嘅活動中現身。一早明言愛卡通人物HelloKitty嘅活希兒,喺1999年更踩入樂壇,當時佢拉埋Kitty落水,唱咗隻《HelloKitty成為朋友》,出過碟㗎!不過,就係因為呢隻碟,佢嘅星途……睇番啲資料,當年唱 ...




其他影片:>>






活希兒現年34歲,係中澳混血兒,於澳洲出生,佢喺1998年同陳曉東拍牛仔褲廣告開始為人認識,係香港首代o靚模。由於佢「鬼鬼哋」,個樣又sweet,所以好快就走紅,仲不時喺電台及電視台舉辦嘅活動中現身。一早明言愛卡通人物Hello Kitty嘅活希兒,喺1999年更踩入樂壇,當時佢拉埋Kitty落水,唱咗隻《Hello Kitty成為朋友》,出過碟㗎!不過,就係因為呢隻碟,佢嘅星途……睇番啲資料,當年唱片公司報稱賣咗25,000隻碟,但實質只有1,000,加上有傳佢歌中嘅一句歌詞「成日微笑……共聚伴隨着我一起跳高」而辣㷫咗班Kitty fans!自此活希兒成為一碟歌手,形象亦大插水,逐步淡出娛圈。對於活希兒斷送星途其實有另一個講法,有指佢媽咪Bonnie當正個女係搖錢樹,又欠債纍纍,Bonnie要賣樓套現還債,加上Bonnie同第二任老公林磊明有錢銀轇轕等負面新聞,最終令活希兒決定引退,避去澳洲讀書。當時活希兒同「演唱會之父」張耀榮有兩年唱片合約,亦因為活希兒避走澳洲而無法履行合約,但耀榮叔冇追究,仲戥活希兒唔抵,話Bonnie當個女視作天后王菲級數般看待。活希兒返澳洲後修讀法律,正式成為律師,同時亦有同朋友搞時裝店生意。年前佢離開法律界,有消息指佢轉咗去瑞銀(UBS)嘅法規事務部打工,任職聯席董事,月入過10萬。

(資料圖片) 當年活希兒就係憑住同陳曉東合演廣告為人認識。(資料圖片) 活希兒出過碟㗎,真係一隻咁多。(資料圖片)
唔止Hello Kitty嗰首「出事歌」,活希兒仲推出過其他歌㗎。(互聯網圖片) 活希兒當年做過好多活動,有同陳奕迅同台過。 有傳活希兒媽咪Bonnie(左)當個女係搖錢樹,仲當個女係天后王菲級數看待。(Instagram圖片)
張耀榮(資料圖片)

來源 source: http://s.nextmedia.com
鍾意就快D Share啦!