祖兒笑來勢「胸胸」
■欣宜（左）與祖兒同奪三獎，秋官（小圖）大讚欣宜叻，希望女兒繼續努力。
■祖兒（右）一時甩手，獎座「揼中」軒仔隻腳，軒仔即擘大口喊痛。
前晚另一個焦點落在鄭欣宜身上，歌曲《女神》為她帶來我最喜愛的歌曲大獎、叱咤十大第三位兩獎，她還捧走我最喜愛的女歌手獎，與容祖兒平起平坐同獲3個獎。
祖兒連奪11年叱咤女歌手金獎，加上《無人知道雙子座》奪叱咤十大第八位，以及首次奪得叱咤樂壇至尊唱片，祖兒說：「都係一個紀錄，對自己18年青春有交代。」她在慶功宴與欣宜嘴對嘴影合照，問祖兒可覺得欣宜來勢洶洶？祖兒搞笑說：「直情湧過嚟啦，你睇佢頭先行過嚟嗰個「胸胸」，真係好有壓迫感。」欣宜受訪時指着心口回應祖兒：「佢都來勢（細）洶洶（胸）呀！」影大合照期間，祖兒不慎跣手，獎座「揼中」張敬軒隻腳，軒仔即露出痛楚表情，場面搞笑。
鄭少秋昨日接受本報電話訪問時大讚女兒欣宜：「佢叻過我，希望佢繼續努力，繼續有好成績啦。」他又表示有睇直播，又有傳短訊恭喜她。秋官今年5月會舉行紅館演唱會，他透露好多人提意請欣宜做嘉賓。
來源 source: http://hkm.appledaily.com
|
鍾意就快D Share啦！
|
|
|
