秋官全晚睇住電視，第一時間恭喜欣直獲獎。
當年出道負評爆燈的鄭欣宜昨晚在《叱咤頒獎禮》爆發「洋葱彈」，橫掃「我最喜愛的女歌手」等三大獎，全場起哄支持！相反去年備受網民力熱捧、在《叱咤》贏開巷的吳業坤今年民情急降，冧莊「我最喜愛的男歌手」竟然被噓，天堂地獄大逆轉！
欣宜在慶功宴上風騷得多，滿場飛的她頻呼：「好癲呀呢件事（攞奬）!（祖兒同你擁抱完後話你『來勢胸胸』？）佢都『來細胸胸』呀！哈哈哈！（冇諗過攞三個獎？）冇諗過！傻咗呀！真係癲咗！」提到戴上亡母眼鏡上台，欣宜指想講給自己與媽咪知道：「孝順唔係錯，因為冇佢就唔會有我，一定要多謝佢。」又透露可能帶同三獎返加拿大祭亡母，成功「爭氣」。
欣宜提起父親鄭少秋時一副冧滋滋，指對方曾約食元旦飯，可惜因頒獎禮而推辭，父親才恍然大悟：「Daddy有睇晒，因為佢係第一個Send Message畀我嘅。」
東網聯絡秋官，他亦戥女兒獲三大獎而開心：「開心佢可以面對自己，唔會畀人打沉。」講到欣宜當年受盡負評？秋官坦言當時很肉赤，當看到女兒攞獎便第一時間傳短訊恭喜。問到5月開演唱會時可會請女兒做嘉賓？秋官指不少人有這提議，但要交由欣宜的唱片公司去安排。
來源 source: http://hk.on.cc
|
鍾意就快D Share啦！
|
|
|
