熱爆娛樂: 【玩人玩着自己】活希兒着婚紗踩場孫大倫子婚禮被勸離職 _

2017年1月3日星期二

【玩人玩着自己】活希兒着婚紗踩場孫大倫子婚禮被勸離職 __,活希兒,

其他影片：>>

活希兒雖然喺娛樂圈唔係太長嘅時間，但數到佢最爆嘅一單新聞，莫過於佢喺13年，現身中港照相器材主席孫大倫細仔孫道熙（Ryan）婚禮，當時活希兒着住一件同新娘子同款嘅婚紗踩場，更被指偷偷坐喺主家席。從未承認過同Ryan拍拖嘅活希兒，喺13年11月，現身Ryan同潮州商會會董林鎮洪女兒林珊亭（Sandee）於灣仔會展舉行嘅婚宴，點知，當日活希兒着咗一件聲稱係由契媽、即Ryan母親鄧秀英送贈嘅「晚裝裙」出席，但件「晚裝裙」咁啱同新娘子Sandee件婚紗一樣樣！事件鬧大後，活希兒有喺facebook度解釋，但事件發酵到Ryan哥哥孫道弘怒罵：「佢唔係我契妹，我冇問媽咪有冇契女，我覺得媽咪買條裙畀人唔出奇，可能係silly mistake，30歲人自己冇judgement，契媽叫你去死，唔通又去死咩。」（新聞連結： http://bit.ly/192YzIY ）至於男主角Ryan亦喺fb留言：「歷史上最踩場的賓客……作為同我同年的律師嘅你，你親愛的媽媽有來到Sandee同我嘅婚禮，見到我太太條裙都唔同你講，仲叫你着，就知你玩嘢！（中略）你同你親愛的母親都無過嚟祝賀我哋都唔緊要。coz dnt wanna see u both in our life anymore（我的人生不想再見到你哋兩母女）。」雖然Ryan冇開外，但其後佢友人就點名係活希兒，仲有唔少Ryan嘅朋友幫口鬧。（新聞連結： http://bit.ly/2ivcbpI ）儘管之後孫大倫攜Ryan同新抱Sandee食飯，隔日就到孫大倫太太鄧秀英帶契女活希兒現身同一地點解畫，但事件仍成為一個大笑話，亦有傳因今次事件，活希兒被律師樓勸喻離職。

（資料圖片）	孫道熙、林珊亭（資料圖片）	喺婚禮當日，活希兒（右圖右）着咗一件同新娘林珊亭件婚紗一樣嘅「晚裝」出席婚宴。（資料圖片）
事後孫道熙喺fb勁呻（資料圖片）	鬧出笑話後，孫大倫夫人、亦即孫道熙媽咪鄧秀英約活希兒食飯，仲騷咗佢喺娶新抱嗰日同活希兒影嘅合照畀記者睇。（資料圖片）	同日同場合林珊亭（左）亦有現身，仲同奶奶孫大倫夫人及活希兒合照。（資料圖片）
翌年，孫大倫（右）一家去福臨門食飯，用行動證破冰。（資料圖片）