掃呢頁CODE去手機

2017年3月16日 星期四

周國豐打造英式紳士夢 [壹週刊 - 1410] __,周國豐,周啟邦個仔,M1,

剃完鬚,還會貼心為客人整理頭髮,全套服務足足一小時,周國豐坦言是一個好好的快速叉電方法。名人動態周國豐打造英式紳士夢八、九十年代,ball場盛世,中堅 ...


剃完鬚,還會貼心為客人整理頭髮,全套服務足足一小時,周國豐坦言是一個好好的快速叉電方法。

名人動態

周國豐打造英式紳士夢

八、九十年代, ball場盛世,中堅分子之一的周啟邦夫婦,永遠絕配出席,令人印象難忘。

作為他們獨生子的周國豐,秉承父親對時裝的觸覺,自小已發現自己對紳士打扮情有獨鍾。

昔日,為了自己的一身打扮飛勻世界各地,搵心水品牌,發展至變成事業,開設概念店,引入多個百年老店的品牌,並加入理髮服務,連同酒吧,打造一個真正屬於男士的天地。

興趣變事業

近年香港興起發掘日本家族老店的產品,由帆布袋到眼鏡、器皿應有盡有。原來自英國返港後的 Brandon,發現香港的西裝零售選擇不多,名牌品質也不一定有保證,於是開始飛往歐洲發掘家族經營的百年老店訂造西裝,當年 Brandon曾經接洽他們來港發展,但遭對方一口拒絕。直至兩年前, Brandon有感紳士打扮的熱潮回歸,男士亦比以往更着重儀容打扮,於是再向這些百年老店打主意,多年忠實客仔身份,加上誠意搭夠,上至西裝、恤衫,下至領呔,以至皮鞋都搜羅到設有訂造的專業小店進駐新鋪。

先塗上厚 cream,再敷上熱毛巾,軟化髮根,擴張皮膚,韓籍師傅才落刀為周國豐剃鬚。

除了西裝,連恤衫、領呔以至袋巾都可以訂造,周國豐指連同鞋履,五萬有找。

單是領呔已有過百款花紋和圖案選擇,令人花多眼亂。

帽子由純羊毛製成,襟用耐摺。

受周啟邦薰陶

比起林作更早放棄做大律師的周國豐,早在三年前已進軍零售業,代理多個全人手製作、每張幾十萬起跳的高級皇室床褥。今年初, Brandon(周之洋名)再下一城,於中環一商業大廈最頂兩層,開設一間集西裝、鞋履訂製,並配上理髮連同酒吧的一站式男士服務概念店。

平日西裝骨骨的 Brandon,坦言未出國讀書,已對西裝產生興趣。「可能受我爸爸影響,佢對服裝、 lifestyle都好講究,好細個成日見佢著好多靚衫,又教我好多唔同嘅嘢,譬如點樣打領呔呀、點樣揀一套合身嘅西裝呀!」 Brandon說。

去到英國讀書,返學要著西裝,接觸多,研究自然更多,由布料、剪裁到品牌,無一放過。當日周啟邦間接令 Brandon愛上西裝,如今身為人父的他,又有沒有為兩個囝囝訂造西裝,順勢培養他們這方面的興趣?「做西裝?佢兩個太細啦,亦都大得好快,我覺得咁細個唔使著西裝住!」 Brandon透露自己平日大多以西裝見人,兩兄弟偶然出於好奇,向他要求打呔或者袋巾,其中四歲細仔 Alastair(禮熙)對衣著打扮有要求過人,「佢好鍾意著唔同 costume(服裝),仲好執着每一個 detail,咩顏色、點樣襯,四歲,無人教佢,又無人同佢講,唔知佢係咪遺傳咗我爸爸呀!」笑得一臉滿足的 Brandon說。

八、九十年代周啟邦夫婦是 ball場的中流砥柱,奇裝異服是兩人特有的標記。

周國豐同太太黃泳霖育有兩名兒子,其中細仔禮熙(箭嘴示)繼承了周啟邦對時裝的觸覺。

拍檔拉攏

「世界好多 retail都走向一個 live stage嘅 intergration(一體化),唔係單一純淨係得一間鋪頭買嘢,好多時都會有埋其他 life style嘅嘢。」 Brandon說。所以在生意拍檔的拉攏下,加入理髮店同酒吧,打造成現時的概念店,一如他凡事有要求的作風,這兩個範疇都特意找來業界的龍頭充當合作夥伴。「酒吧就係同日本嘅 Bar High Five合作,呢 part交俾我 partner去傾,佢去咗日本,搵個老闆上野先生,搵咗佢五次,佢先至答應同我哋合作;剪頭髮就係同韓國一間 barber shop(理髮店)叫 Her合作。」 Brandon說。

周國豐拍檔曾五次拜訪東京 Bar High Five老闆上野先生(上圖),靠誠意搭夠才令對方首肯充當酒吧合作伙伴。

Brandon挑選的便服品牌款式大多是歷久不衰的款式,質料跟訂造服有得媲美。

從高處眺望中環,單是環境已值回票價。

由服裝店行上一層,便是酒吧。

酒吧的古董擺設是周國豐的多年珍藏。

酒吧內有 Bar High Five的日籍酒保負責調製雞尾酒。

行啱第一步

去年 6月,周國豐跟拍檔於中環開設 pop up store,為概念店試水溫。

作為名人之後,財力從來不成問題,概念店選址中環商廈最頂兩層,不用說也略估計得到租金有多誇張,身為老闆的 Brandon也好抗拒提及租金和投資金額,只輕輕帶過說:「不方便透露!」

深知上樓鋪阻礙不少, Brandon特意在開鋪前半年於中環另一地方開設 pop up store試水溫,當事人坦言這一步是整盤生意行得最正確的一步。「首先喺宣傳角度嚟講,等出面知道我哋有個咁嘅 concept嘅鋪,亦都聚咗班客源,令到間鋪開嘅第一個月過渡無咁辛苦。」 Brandon說。

轉型從商

父親係著名大律師周啟邦,周國豐繼承父業當上大律師,另一邊廂,再將興趣變成生意,成功創業。

執業大律師

大學修讀法律的周國豐,考取二等優異成績,再到倫敦的 UCL完成法律系碩士課程,成為執業大律師,做過八年大律師。

轉行賣床褥

13年,周國豐放棄高薪厚職,轉型創業,賣床上用品,於跑馬地開了一間床褥專門店,為客人度身訂造床墊,不少名人明星捧場; 15年,再於鴨脷洲開設第二間分店,做得有聲有色。

男士服裝 pop up store

有意於中環開設男士生活概念店的周國豐,去年 6月在中環開設 pop up store,搜羅世界知名的西裝及鞋履工匠設計,成功儲落一班客源。

撰文:名人組

攝影:黃志明

攝錄:葉志明


鍾意就快D Share啦!