掃呢頁CODE去手機

2017年3月16日 星期四

鄧月平與失婚拳王墮愛河:我唔係第三者 __,鄧月平,

19歲鄧月平與31歲失婚前香港拳王杜恒霖墮入愛河,Larine強調自己並非第三者。擁有36F導彈身材的「巨胸翠如」鄧月平(Larine)被踢爆秘撻「風 ...


19歲鄧月平與31歲失婚前香港拳王杜恒霖墮入愛河,Larine強調自己並非第三者。

擁有36F導彈身材的「巨胸翠如」鄧月平(Larine)被踢爆秘撻「風之子」前香港拳王杜恒霖(Bryan),並已經同居,二人被拍到拍拖逛金魚街,表現癡纏。由於有指Bryan曾經結婚,兼有兩個女兒,Larine因而陷入「第三者」疑雲。

「佢已經同佢另一半分開咗」

東網致電了解,Larine澄清自己並非第三者,強調Bryan已經跟另一半分開了一段時間:「多謝關心!我欣賞Bryan佢打拳好勁,佢做咩我都支持。(你哋咩關係?)好朋友再多啲啲!(談戀愛?)大家傾打拳多,佢好惡!但都係為我好。(佢結過婚,有兩個小朋友,你係第三者?)佢係有兩個小朋友,但都唔關事,其實我係了解嘅,Bryan唔係公眾人物,佢已經同佢另一半分開咗好一段時間!」

「佢喺我心中係好堅強嘅人」

當談及Bryan與另一半分的時間時,Larine說:「杜恒霖自己都喺佢平台寫過,係上一年(2016年)嘅事!(同你一齊佢已經係單身?)我只覺得男未婚女未嫁有機會發展都冇問題。(佢離咗婚?)係!希望唔好誤會,我都驚影響佢同佢公司,因為報道出街後佢啲同行都有加鹽加醋,佢同我講唔好意思!其實我都好同情佢過去。(指離婚?)都唔係咩開心事,佢喺我心中係好堅強嘅人,有咩風浪都可以捱得過!(你唔係第三者?)我唔係佢女朋友又何來第三者呢?就算係亦唔會係第三者,好多人問過,佢嘅婚姻狀況,佢已經分開咗!(出街避忌?)同好朋友、閏蜜出街都嘻嘻哈哈,唔會避忌!」




來源 source: http://hk.on.cc
鍾意就快D Share啦!