2017年5月10日 星期三

【換一次畫.換一次樣】37歲蕭亞軒N次進化 大細面 硬膠鼻 __,蕭亞軒,

今年37歲嘅蕭亞軒早喺10年已經公開承認整容,仲講過:「如果打botox可以讓自己變美,有自信,我可以接受。」不過佢開咗個頭之後,個樣就不斷進化,直到 ...


今年37歲嘅蕭亞軒早喺10年已經公開承認整容,仲講過:「如果打 botox可以讓自己變美,有自信,我可以接受。」不過佢開咗個頭之後,個樣就不斷進化,直到近日被影到有新歡嘅時候,個樣都同大家印象中唔同。蕭亞軒99年出道時,當時未改造嘅佢最大特色就係一對單眼皮嘅鳳眼,而且鼻大兼且好有肉。到10年佢公開承認有整容,原因係為咗亡母,佢話:「媽媽很支持我,她一直希望我變漂亮,有次她躺在病床,看到我的眼睛還說:『我被你電到!』」除咗割雙眼皮,蕭亞軒個鼻都唔同咗,雖然佢試過出活動時摙自己個鼻話冇整,不過睇相就見到佢個鼻越拉越直,size都變細咗,鼻頭變到冇咁多肉,而且越整越似「鷹嘴狀」。就咁講可能有啲抽象,用蕭亞軒以往嘅戀情去劃分可能會清楚啲。12、13年,蕭亞軒同柯震東呢段姊弟總撻着嗰陣,鼻尖、下巴尖、眼大大,雖然係修葺過,略有「膠味」,不過唔算過火,可以話係「最佳狀態」。到14年,蕭亞軒同柯震東甩拖之後,同吳建豪舅仔撻着,個樣都跟住變。睇得出蕭亞軒塊面「膠味」更重,對住鏡頭笑嗰陣個蘋果肌非常「突出」,而且硬晒軚,真係可以話係「皮笑肉不笑」。到最新被影到佢拖住新歡嘅相睇到,蕭亞軒個鼻越整越膠,而且越整越似鷹嘴,再加上面部肌肉好崩緊,法令紋位置變得好唔自然,而且仲好似有「大細面」o添!

(資料圖片) 呢個係00年出道冇耐嘅蕭亞軒。(資料圖片) 單眼皮加上鼻較大。(資料圖片)
08年個樣(資料圖片) 10年開始逐漸進化。(資料圖片) 12年可以話係「最佳狀態」。(資料圖片)
(資料圖片) 14年「膠味」越嚟越重。(資料圖片) (資料圖片)
15年嘅蕭亞軒(資料圖片) (資料圖片) 今時今日嘅蕭亞軒。(台灣蘋果日報圖片)
(台灣蘋果日報圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...