馬壯真係認輸？
藝人「馬壯」黎諾懿（馬壯）與被譽為「地表最帥數學教授」、現年28歲的意大利型仔博士博塞利（），一同出席「大家樂XSegafredo全新概念餐廳」開幕活動及拍廣告，日前馬壯在社交網站拍攝短片，向博塞利挑機，更將寶貝仔「小春雞」擺上枱，合力對付人氣博塞利。
他受訪時否認挑機：「其實我本身冇乜留意佢，係大會將佢嘅相傳畀我睇，仲要係最大隻嗰啲相，睇埋佢學歷唔知碩士定博士，佢讀多我一世書呀，點會挑機？（你有小春雞嘛？ ）好似話佢同麥明詩有嘢，如果佢哋有機會，咁生個混血BB都會好靚，就會贏小春雞，我嗰隻始終係陀地雞，哈哈！（你話高佢1cm？）咁人哋後生嘛，我驚而家唔知自己會唔會縮水，同埋拍劇拍得多可能啲關節軟骨會蝕，又縮幾cm。」問到即將來臨的母親節如何獎勵剛生BB的太太？他被記者提醒才驚覺今天是「小春雞」的滿月，透露太太因為開到仍在坐月，知道太太很想吃壽司和生果，希望快些到三個月就帶太太吃好西，又謂計劃囝囝一歲才會擺周歲宴。
來源 source: http://hk.on.cc
|
鍾意就快D Share啦！
|
|
|
