2017年5月12日 星期五

歐霸盃:歐霸盃 曼聯、阿積士斯德哥爾摩爭霸! __,曼聯,

曼聯周四歐霸4強次回合,返到主場鬥切爾達。紅魔雖然最後被對手1:1逼和,但係兩回合後仍以2:1進身決賽,將會同同晚輸波晉級嘅阿積士,5月24日喺瑞典斯 ...


曼聯周四歐霸4強次回合,返到主場鬥切爾達。紅魔雖然最後被對手1:1逼和,但係兩回合後仍以2:1進身決賽,將會同同晚輸波晉級嘅阿積士,5月24日喺瑞典斯德哥爾摩爭雄!

紅魔喺喺17分鐘由拉舒福特斬中,費蘭尼遠柱入楔一頂破網,曼聯先開紀錄,總比數領先到2:0。完半場前,切爾達丹尼爾華斯接應薜斯圗傳中,冒住畀對手踢爆頭飛頂,不過唔中目標,客隊半場以1球落後。

換邊後,兩隊一開波就搏槌,福仔64分鐘射門畀沙治奧干地擋出,無法改寫紀錄。切爾達喺完場前由中堅朗卡尼亞頂入追番一球,點知佢喺比賽重開一次雙方衝突個時,出手推人畀球證趕出場。至於紅魔亦有艾歷拜利被逐,隊長華倫西亞亦出咗「排雲掌」,但係就竟然冇事。

完場前,古迪堤有機會做功臣,點知佢對住空門竟然反應唔切,未能將皮球送入網,切爾達最後以1:1同曼聯打和,兩回合以1:2出局。

至於另一場歐霸4強次回合,里昂主場對阿積士。里昂首回合以1:4大敗,要贏3球先有機,但係27分鐘就畀客隊射手多爾貝治入波,一頭冷水照頭淋。好在里昂仲有射手拿卡錫迪,佢喺45分鐘博到12碼仲自己射入追和,2分鐘後接應隊友傳中整多粒。

換邊後,里昂繼續攻,中場拉治迪基素爾81分鐘入多球,之後仲有阿積士守將韋格華被逐,可惜里昂到最後未能再入1球,最後次回合雖然贏3:1,但係兩回合以4:5不敵阿積士,4強含恨出局。

東網體育同你追實體壇每個精彩時刻! 

http://bit.ly/2ecTF2A 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...