2017年5月29日 星期一

【獨家】黃心美撳手機狂扯煙 匿埋隱蔽位置飲咖啡 __,黃心美,手機平板,手機,

自黃心穎2012年成為港姐亞軍,加上心穎同「圈中筍盤」馬國明多次拍拖睇戲斷正,都算坐上「女友」寶座,最為人所知,就係心穎BB有一個做主持嘅家姐黃心美, ...


自黃心穎2012年成為港姐亞軍,加上心穎同「圈中筍盤」馬國明多次拍拖睇戲斷正,都算坐上「女友」寶座,最為人所知,就係心穎BB有一個做主持嘅家姐黃心美,其實35歲黃心美比細妹更早入行,2006年返嚟香港,簽過唱片公司做歌手,後嚟被派去電視台做娛樂主播,曾同外籍男結過婚,仲離埋婚。不過疑似單身嘅黃心美,一啲都唔怕悶,前晚6點鐘左右,見佢獨自去中環行街,開頭只係window shopping,百無聊賴咁行,之後入咗一間飾物店連cafe嘅舖頭,黃心美先行咗一個圈。行到攰攰哋,就坐低飲杯嘢,黃心美揀咗坐喺一個近露台邊嘅隱蔽位置,先見佢顧住低頭撳手機,似乎同人chitchat緊,不時錄語音訊息,又望吓個手機螢幕,一時甜笑一時大笑。傾傾吓,黃心美點着支煙,以純熟嘅手勢扯煙,每啖都扯得幾深,口同鼻噴出煙,扯完又飲啖嘢,估計佢煙齡都有一段長時間。黃家姊妹出身中醫世家,爸爸黃沛霖行醫多年,唔怪之得,心美BB就算煙不離手,皮膚都咁好啦(新聞連結:http://bit.ly/2qpbLGn)!?心穎BB同大家姐黃心美喺2013年喺油塘買咗Ocean One過千萬、約800呎嘅單位,去年心穎BB再孖心美出擊,以70萬加幣喺溫哥華買樓,二人都可以話係「圈中小富婆」!

(採訪、攝影:朱志聰、黃曉程) 心美一個人行咗去一間Cafe 搵咗一個露台嘅角落位坐
一邊撳電話、一邊扯煙 抽煙手勢好純熟
估計煙齡有一段時間 心穎同心美一向感情好,二人同住一個單位 不時喺網上貼合照,晒姊妹情深
黃家姊妹出身中醫世家,爸爸黃沛霖行醫多年

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...