2017年5月30日 星期二

【獨家】背住未婚夫!君馨晚晚開單身P __,君馨,王君馨,

拍戲啫!將於7月11日與圈外男友Daniel結婚的藝人王君馨,日前在尖沙咀拍攝由范振鋒及錢國偉監製的電影《醉爆閨蜜》,場口講述飲到醉薰薰的君馨、莊思敏 ...


拍戲啫!

將於7月11日與圈外男友Daniel結婚的藝人王君馨,日前在尖沙咀拍攝由范振鋒及錢國偉監製的電影《醉爆閨蜜》,場口講述飲到醉薰薰的君馨、莊思敏、蕊蕊與陳美伊發現好友的「小三」周嘉莉坐跑車離開,即衝出街口並叫洪天明駕駛的士追車,幾位索女身穿熱褲及短裙大騷美腿,不用埋位時都大方坐在街頭傾劇本,引來大批市民圍觀拍照!

想做番花曼

戴上圓框眼鏡的君馨笑言劇中角色大懵,加上經常要扮醉,眼鏡及胭脂可幫她入戲,講到婚期將至,她笑言拍此電影有不少開Party戲份,令她覺得真的開了婚前單身Party一樣:「係十日嘅派對咁,前兩日仲喺遊艇拍添!(之後要停工準備婚禮?)都要喇!要處理啲細微嘢,中間要幫大學同學做伴娘,我當係偷師,睇吓有咩學到!同埋開始要去番健康模式,食多啲生果,行山做Gym,要放鬆啲,驚結婚前一星期會好多情緒。」見到君馨身形又瘦了,她解釋並非刻意減磅,只是拍戲辛苦,笑言不擔心「托唔起」件婚紗,並想腰部再變瘦:「想貼近當年花曼咁嘅身形,但當時係地獄式訓練,依家唔使咁誇張,多啲葫蘆身形就ok。」

未婚夫唔飲得

講到戲中要飲酒,君馨表示當年在外國讀大學時較現在酒量好:「大個咗仲唔飲得,我飲少少就好眼瞓,傾偈都傾唔到,以前醉咗就會攬人,但就未試過攬錯男仔,因為一班人之中一定有個人係保持清醒。(咁未婚夫酒量如何?)唔得架佢!飲少少就似食物中毒,全身紅晒變車厘子!個嘴又會好痕。(放心佢唔會去蒲囉!)係喎!幾好喎!佢又唔識chok,感謝耶穌畀個咁好老公我!」此外,張繼聰正好在隔籬餐廳用膳,當他發現附近有戲拍,即八卦步出,並與錢國偉及王君馨閒談了幾分鐘。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...