掃呢頁CODE去手機

2017年6月29日 星期四

8月結婚仲未收身  Gaile去蘇梅上瑜伽班 [壹週刊 - 1425] __,M1,Gaile,樂基兒


脹爆Gaile,全身包到冚,由司機傍住checkin。同你吟一吟8月結婚仲未收身 Gaile去蘇梅上瑜伽班與黎明離婚五年,樂基兒終於再搵到Mr.Rig ...



脹爆 Gaile,全身包到冚,由司機傍住 check in。

同你吟一吟

8月結婚仲未收身  Gaile去蘇梅上瑜伽班

與黎明離婚五年,樂基兒終於再搵到 Mr. Right,近日宣布今年 8月再嫁,與拍拖兩年的有機食品大亨 Ian拉埋天窗,由於二人都是再婚,所以婚禮選擇於美國加州低調舉行;上星期有人報料話樂基兒去咗荔枝角間大公館,一行十多人包咗間西餐廳搞咗個 bridal shower。

咁多餐飯要食,搞到樂基兒近排身形發脹,肥到似有咗咁,所以喺八月結婚前,要操番 fit自己,上星期《壹》仔就撞到樂基兒獨自現身機場,曾揚言瑜伽改變咗佢好多的樂基兒,原來報咗瑜伽導師訓練課程,先出發去蘇梅島一個月,當日見到佢發福不少,水桶腰包包面,由司機傍住,拎住卷瑜伽墊急急腳入閘。

希望 Gaile上完呢個瑜伽班,真係可以瘦到身,做個靚靚新娘。

與未婚夫 Ian同樣都是瑜伽狂熱分子,就連瑜伽墊都要親自拎住上機。

自去年公開與未婚夫 Ian戀情後, Gaile不時於 Instagram甜蜜放閃。

今年 4月於 IG大晒 bikini照,身形依然索爆, Gaile表示早前成功戒煙及狂食 pizza,令她發福不少。

早前成功考獲瑜伽導師牌,任何高難度動作都難唔到佢。

撰文︰八珍

鍾意就快D Share啦!