掃呢頁CODE去手機

2017年6月29日 星期四

搬愛巢明年結婚  Apple姐坐麥德羅烈火戰車炒車 [壹週刊 - 1425] __,Apple,M1,

既然係K后,Apple姐在大廳亦裝有卡拉OK設備,方便二人在家唱K!名人動態搬愛巢明年結婚 Apple姐坐麥德羅烈火戰車炒車九一年搞BigEcho,全 ...


既然係 K后, Apple姐在大廳亦裝有卡拉 OK設備,方便二人在家唱 K!

名人動態

搬愛巢明年結婚  Apple姐坐麥德羅烈火戰車炒車

九一年搞 Big Echo,全盛時期試過有十八間連鎖卡拉 OK店的 K后 Apple姐(劉麗萍),經歷過離婚,店鋪全線結業,走過高低起跌,去年 Big Echo卡拉 OK再重開,事業有轉機,與初戀男友麥德羅愛情得意,決定明年拉埋天窗,四個月前, Apple姐與麥德羅搬入沙田名城千多呎新愛巢,她坦言同居生活需要磨合,「有開心有唔開心!我以前習慣咗自己霸晒成張床,一齊住需要互相遷就!」

要轉方向

一直住開沙田名城的 Apple姐(劉麗萍),四個月前搬入唔同座數的新居,住得好好哋,為什麼會搬?

「我信密宗,一位師兄同我講,二○一八年係要轉方向,搬去唔同座數,之前我係住向北,呢度向東南,都搵咗一排,好彩搵到呢度咁靚,加上我個人比較心急,過年時唔知係咪買早咗棵桃花,我覺得開得唔係咁靚,我就形住,唔知係咪舊居啲氣已經用盡,所以都決定早啲搬!」 Apple姐說。

新居設計由 Apple姐負責,她形容男友麥德羅好慳儉,就算啲嘢幾舊都唔捨得掉,衫又多,因此間屋除了三間 storeroom,還再將原先三間廁所嘅其中一間改成雜物房,加上全屋做了不少隱藏櫃,有足夠空間放嘢。

麥德羅表示,「搬一次屋好辛苦,但可以將啲垃圾掉咗佢都係好事。」但 Apple姐卻反駁他:「好難嘞!我掉唔到你啲嘢。」兩人大耍花槍!

分開 28年,去年 Apple姐與初戀男友麥德羅復合,已計劃明年拉埋天窗!

家住高層,露台更可遠眺「望夫石」!

唔記得沖廁

兩人相處要互相遷就, Apple姐話以前自己早瞓,而家因為生意較忙,兩人變成可以一齊夜瞓。

麥德羅更表示自己成日唔記得沖廁,亦學習緊要喺適當時間先講嘢,怕激親女友,「好似佢拜緊神我唔敢出聲!」但係 Apple姐就玩踢爆,她表示:「我希望唔好將公司啲嘢帶返屋企,但佢鍾意喺我瞓覺時,或者刷緊牙時講嘢,我會唔答佢!」

同麥德羅的關係既係未婚夫,又係公司旗下藝人,但 Apple姐就講到明會公私分明,她說:「雖然佢係我 artists,但我會叫其他同事幫佢,我亦會公平啲,唔會將資源只放喺佢度!」

而 Apple姐更大讚男友有一大優點,「佢激嬲我,佢肯認衰!佢會話對唔住囉,你知我又唔係咁醒!」五十九歲麥德羅,果然識氹人。

與前夫的兩個女兒,稍後在外國讀完書返港, Apple姐已經預留兩個房間給女兒。

客飯廳均以米色做主色,感覺簡潔清新。

撞電單車受傷

多年來,麥德羅愛揸電單車,難得女友 Apple姐對佢百分百信任,經常坐烈火戰車拍拖遊車河,將生命安全交俾男友,但其實他們試過多次受傷!

「我未坐過第二個人嘅電單車,只係坐佢!不過而家年紀大,多咗意外,都唔會成日坐,最近都撞咗次車!過隧道時,攝咗埋啲石度,成架電單車跌低責住隻腳,痛咗好耐!」 Apple姐說。

至於麥德羅,早前亦因為揸電單車避大肚婆,撻低傷了肋骨!「個大肚婆望住右手邊掛住講電話,拖住幾歲嘅仔,燈都唔睇走出嚟,我唔想撞到佢,惟有避開導致自己翻車,成個撻低咗搞到斷咗肋骨,而家都仲有啲痛!」

Apple姐坐男友車試過翻車受傷,但她仍百分百信任對方,開心繼續做乘客。

Apple姐鍾意下廚,飯廳就成為二人享受美食好地方,二人更愛在此歎紅酒!

在飯廳一角放有唔少 Apple姐與女兒及 Robert的照片,兩隻 Hello Kitty是以前 Big Echo送給客人的紀念品。

新居入伙不久,加上有四個儲物房,主人房擺設就好簡單!

Robert以前的確幾大隻有型。

麥德羅在屋企走廊加裝有健身設施,不時喺家狂操。

撰文:娛樂組

攝影:黃志明

攝錄:葉志明


鍾意就快D Share啦!