2017年6月16日 星期五

布偉傑婚禮反傳統唔玩接新娘 __,布偉傑,

布偉傑喺香港補擺25圍喜酒。藝人布偉傑與拍拖三年的化妝師女友Celia,於上月20日在美國註冊結婚,二人今日於科學園筵開25圍補擺喜酒。成為新郎的偉傑 ...


布偉傑喺香港補擺25圍喜酒。

藝人布偉傑與拍拖三年的化妝師女友Celia,於上月20日在美國註冊結婚,二人今日於科學園筵開25圍補擺喜酒。成為新郎的偉傑受訪時透露今次大玩反傳統婚禮,不但沒有接新娘儀式,酒席更不設乳豬及美酒等等,他說:「今日冇接新娘儀式,太太係化妝師,佢成日化新娘妝。自己就成日做婚禮司儀,所以覺得厭倦。今日好反傳統,樣樣嘢都好簡單。菜單同傳統好唔同,冇乳豬同翅,仲因為宗教關係而冇提供酒。」布偉傑笑言實行以歌會友兼冧老婆:「宴會音樂好豐富。(會否唱歌冧老婆?)唱兩首英文歌,希望可以冧吓老婆。(今晚會在港再註冊?)唔會,美國註冊咗,會播番之前喺美國影嘅婚紗相。」

問是否專程揀「520」(意指我愛你)在美國註冊?布偉傑笑言只是碰巧揀中當日註冊日子,談到度蜜月安排,他自爆被老婆「揶揄」自己想「返鄉下」度蜜月:「遲啲先,因為好多工作,有套大電影要拍,仲要喺新光做舞台劇。我之前同太太講去美國度蜜月,佢笑我去美國唔係度蜜月,係返鄉下喎!我可能趁10月在泰國工作,順道去泰國北部,柬埔寨度蜜月。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...