真係暴殄天物！
身型弗爆的女藝人張曦雯（Kelly）為汽車活動擔任司儀，身穿紅色低胸露背高衩連身裙，雖未有谷胸，但大騷長腿，性感指數爆燈，吸引現場人士影個不停。
台上嘉賓林敏驄不停爆笑彈又講黃色笑話，Kelly笑言早有心理準備：「但都驚應付唔到，我驚佢爆肚，我中文又唔夠好，不過佢都叫錫住我，比我預期中好。（佢撩你車震！）佢撩另外個女仔啫！（之後話預埋你！）吓！係咩？哈！（佢讚你口才好！）多謝，我預咗有咩事就傻笑，再講番自己要講嘅嘢。」
講到身穿超低胸裙，Kelly表示不怕走光，因已做足安全措施，身型纖瘦的她表示今日尚未吃午飯，而之前到了美國參加表姐婚禮，因吃得太多而增磅不少，肥在大髀及pat pat位。講到今早上載了一張性感甫士照片，引來廣泛回響，Kelly說：「其實都唔係好性感，好普通喺戶外曬太陽，可能香港文化保守。（你話冇P圖或者用filter？）係呀！只係用自然太陽光，網上好多P咗圖嘅相，想畀大家睇啲自然啲嘅。（有冇人搵你出寫真？）冇喎！我又唔係特別想出，我希望有啲相嘅自主權，揀邊啲相出街。」
來源 source: http://hk.on.cc
|
鍾意就快D Share啦！
|
|
|
