2017年6月9日 星期五

【獨家】陪Torres聽入學講座 楊千嬅幫寶貝仔揀定讀英基 __,Torres,楊千嬅,千嬅,

虎媽媽楊千嬅同丁子高嘅5歲獨生子Torres今年入讀小學,兩公婆為囝囝揀學校問題煩爆,為避開TSA唔想囝囝變繁忙兒童,早前一家三口現身加拿大國際學校面 ...


虎媽媽楊千嬅同丁子高嘅5歲獨生子Torres今年入讀小學,兩公婆為囝囝揀學校問題煩爆,為避開TSA唔想囝囝變繁忙兒童,早前一家三口現身加拿大國際學校面試,但原來最後千嬅兩公婆幫Torres揀咗另一間國際學校,就係每年學費逾15萬元嘅英基小學,上周五(2號)三人到學校出席新生日,被讀者劉小姐透過「爆相爆片」分享,當時所有小朋友都自己排隊上課室,但Torres就要媽咪拖住手仔行!劉小姐接受《蘋果》電話訪問表示,當日喺港島區嘅英基見到千嬅一家三口:「大約早上9點幾,當時所有小朋友喺禮堂集合,睇完圖書後一齊排隊跟老師上課室玩,而家長就留喺下面聽講座,但係千嬅嘅囝囝唔肯上課室,冇跟同學仔一齊排隊,要媽咪拖住佢上去。」問到Torres係咪扭計呢?劉小姐話:「我聽唔到佢扭計聲,但個個小朋友上晒去,佢哋最後先上去,所以大家都見到千嬅。」當時情況咪好尷尬?劉小姐坦言:「因為個個家長坐低預備聽講座,大家都見到千嬅拖住囝囝上課室,初時都冇留意係千嬅,見到佢嘅紫色頭髮睇清楚先知,之後冇見到佢同老公落返嚟聽講座,唔知佢咪佢哋太尷尬啦,大約個幾鐘之後可以走,都冇再見到佢哋。」從劉小姐提供相片所見,千嬅拖住囝囝快步行,Torres仲手指指表現活潑,表情唔見佢有扭計,似乎只係去到陌生環境比較嗲父母。而着黑色tee嘅丁子高就跟喺後面,手上攞住一叠學校章程,劉小姐話當日每個家長都有一份,內容包括學生幾點返學、學校理念、守則等等,所以千嬅同丁子高唔聽講座都冇問題。

楊千嬅日前同老公丁子高一齊陪阿仔聽入學講座 (圖片由讀者劉小姐提供) 千嬅早前同Torres去加拿大國際學校面試(資料圖片)
(資料圖片) 千嬅不時都會同阿仔親子活動

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...