現場所見，杏兒真係淨係肥個肚。
懷孕五個月的胡杏兒穿着三吋高跟鞋出席品牌活動，見她身型未見有太大改變，她笑言自己肥胎唔肥身：「BB都好乖，我食嘢都去咗佢度，因為我胃口唔好，擔心佢健康唔好，但醫生話OK，似爹哋手長腳長。」問到是否道胎兒是B仔或是B女時，杏兒說：「照嗰時佢一係遮住個樣，一係遮住重要部位。（自己想仔定女？）冇所謂，反正唔會淨係生一個。」她表示順便去驗血，看看會否有遺傳病。
奶奶成日問想食乜
講到她懷孕後上圍明顯升Cup，杏兒說：「我唔知喎！真的嗎？我諗都係正常發展，好開心可以仲着到啲衫同西裝，遲啲可能要着裙。」問到老公李乘德會否放心獨自一人工作，她說：「佢都好放心。反而係工作人員成話要扶住我，但我覺得好穩陣，有時行快咗都唔覺。（幾時停工？）應付到嘅工作都做。適量地囉！」她透露經常在家中休息，希望可以郁動多些：「奶奶成日問我想食乜嘢，太歎想郁多啲，畀多啲貢獻屋企。」
希望順產生
問到想開刀還是順產生B，杏兒說：「希望順產自己都驚，但都會試。」她又謂要開始上網搵定育嬰資訊，有朋友送了一些書給她參考，亦有人畀意見，又可以上育嬰班，學習呼吸及如何抱BB。
來源 source: http://hk.on.cc
|
鍾意就快D Share啦！
|
|
|
