2017年7月12日 星期三

【王君馨婚宴】無視與嘉欣BB同場 劉佩玥重逢伍允龍:好開心 __,嘉欣,王君馨,君馨,劉佩玥,李嘉欣,伍允龍,鍾嘉欣,

今晚王君馨同老公Daniel喺淺水灣大譚道美國會補擺喜酒,一對新人固然係焦點,但side邊啲嘉賓其實仲好睇,嗰邊廂有姊妹之一嘅鍾嘉欣同舊愛伍允龍同場, ...


今晚王君馨同老公Daniel喺淺水灣大譚道美國會補擺喜酒,一對新人固然係焦點,但side邊啲嘉賓其實仲好睇,嗰邊廂有姊妹之一嘅鍾嘉欣同舊愛伍允龍同場,另一邊廂,就到同伍允龍傳過緋聞嘅劉佩玥(Moon)出現,一個場合,幾代「女友」,嘩!勁好睇!伍允龍下晝現身時,撞正嘉欣BB企喺backdrop後,尷尬爆燈,據說係冇眼神交流(新聞連結: http://bit.ly/2tDyM8j ),但伍允龍同Moon呢,相對地好似open好多,因為伍允龍貼咗自己同Moon嘅合照上Instagram,仲留言話:「在花曼的婚禮撞到柯德莉!Look who I ran into!」問到Moon係咪好耐冇見過伍允龍?佢話:「係呀,好耐冇見,知道佢喺內地做嘢,啱啱今朝先有朋友喺三藩巿send咗佢啲《龍之誕生》嘅相畀我睇,今日嚟到呢度就見到佢喇!」問到佢有冇少少感動再現?Moon話:「好開心,好耐冇見,大家都交換番一啲近況,仲互相幫大家影相o添!」提到伍允龍話自己感情dry爆,Moon就話:「係咩?佢咁講咩?有時有啲嘢得又唔係咁好,希望佢愛情事業兩得意我哋一向都係好朋友。」佢仲否認伍允龍追過自己,Moon話:「頭先伍允龍先至post啲相上Ig,佢仲問我話得唔得。」再問到Moon有冇留意頭先嘉欣BB都在場,Moon即話:「大人嚟㗎嘛,大家雖然分開咗啫,應該識得處理,o依家Linda(鍾嘉欣)又有小朋友,未來開心就得以前嘅嘢唔使提咁多,Let go!」一個當見唔到,一個有相po,係咩意思?心照啦……

(左圖攝影:陳俊強) Moon話有同伍允龍傾偈,交換近況。
Moon今日露背現身 伍允龍喺Ig晒合照(互聯網圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...