掃呢頁CODE去手機

2017年7月12日 星期三

吳婉芳拎過新人獎 王君馨新婚嫁圈外男友 __,吳婉芳,王君馨,君馨,

吳婉芳拎過新人獎

王君馨新婚嫁圈外男友

娛樂名人

吳婉芳拎過新人獎王君馨新婚嫁圈外男友娛樂名人袁嘉敏獲吳君如推薦參加09年香港小姐,雖然三甲不入,但就拎到「最上鏡小姐」,叫做有個交代。唔好睇少呢個豬肉 ...


袁嘉敏獲吳君如推薦參加09年香港小姐,雖然三甲不入,但就拎到「最上鏡小姐」,叫做有個交代。

唔好睇少呢個豬肉獎,因為歷年嚟出過好多代表人物,當中包括近年不時到馬場支持家族馬匹嘅吳婉芳。吳婉芳同袁嘉敏一樣,喺大台嘅日子唔長,但事業發展就好好多,連叱咤新人獎都拎過,但結婚就息影,做低調少奶。

99年港姐冠軍郭羨妮以大熱姿態拎埋最上鏡小姐、國際親善小姐等獎,之後代表香港參加國際華裔小姐仲拎埋冠軍。郭羨妮加入大台之後緋聞唔少,當中甚至有指連「殼王」陳國強為咗佢,投資電影《臥虎》俾佢做女主角。郭羨妮11年同大陸武指朱少杰結婚,育有一個囡囡。

同袁嘉敏一樣係最上鏡小姐,但又三甲不入嘅,仲有李施嬅。佢加入咗大台14年,未必好多機會做女主角,但就好多演出機會。佢仲喺大台識到一班「胡說八道會」姊妹,人緣非常之好。

至於昨日喺香港補擺喜酒嘅「花曼」王君馨,都拎過最上鏡小姐,佢同李施嬅一樣,喺大台搵到好多好朋友,佢呢班「處女黨」姊妹得番苟芸慧未結婚,早前岑麗香話一班女仔已經夾好,將個花球拋俾苟姑娘。


鍾意就快D Share啦!