2017年11月5日 星期日

【貪靚貪出禍】日搽50次睫毛增生液 小S:我現在快瞎了! __,小S,徐熙娣,

愛靚係女人嘅天性,但為了靚靚,你可以去到幾盡呢?台灣藝人小S(徐熙娣)就做咗一個反面教材喇!今朝小S就係微博,上載咗一張左眼角紅晒嘅相,佢留言話:「千 ...




愛靚係女人嘅天性,但為了靚靚,你可以去到幾盡呢?

台灣藝人小S(徐熙娣)就做咗一個反面教材喇!今朝小S就係微博,上載咗一張左眼角紅晒嘅相,佢留言話:「千萬不要手賤,別人叫你擦1天3次,我1天50幾次,睫毛長不長就算了,我現在快瞎了! 」

原來佢就係想眼睫毛增生,搽咗增長睫毛液,但產品說明就話一日只可搽3次,而小S為咗快啲達到目的,竟然一日搽咗50幾次,搞到眼都紅埋,疑似搞到隻眼發炎,認真慘豬,所以奉勸所有愛靚嘅女士,做任何嘢都要適可而止呀,唔係反而會有反效果㗎!

另外,小S雖然隻眼痛到快盲,但噚晚佢都有去台北小巨蛋,支持老友范瑋琪嘅演唱會,見佢帶住太陽眼鏡,係台下同范范揮手,認真唔話得呢!



更多娛聞,喺晒《娛果》

http://fb.com/appledailyent







小S喺微博貼咗左眼紅晒嘅相,仲話:現在快瞎了! 噚晚佢都有去撐老友范瑋琪嘅演唱會。(台灣《蘋果》圖片) (微博圖片)
范瑋琪噚晚喺台北舉行演唱會。(台灣《蘋果》圖片)

鍾意就快D Share啦!
Related Posts Plugin for WordPress, Blogger...