藝人歐陽震華（Bobby）、田蕊妮（阿田）、陳豪、李佳芯及吳業坤等今日齊齊亮相，為無綫台慶劇《誇世代》宣傳，場面熱鬧。近日被指拜狐仙求改運的吳業坤全程成為被講笑對象，Bobby及阿田於台上「雙劍合璧」，搞到吳業坤全無反擊之力！
Bobby先笑謂：「狐仙邊係拜㗎？要嚟聞嘅！」阿田更抵死投訴吳業坤大汗難頂，又向台下粉絲謂：「邊個想要吳業坤抹過汗嘅手巾？」即場被笑「狐仙」的吳業坤卻相當大方，玩遊戲時還舉起手作勢讓拍檔余德丞「聞氣」，場面超爆笑！
自認大汗日沖兩次涼
事後阿田與吳業坤齊齊受訪。阿田繼續表示：「同佢由《迷》拍到嚟《誇世代》喎。拍劇唔辛苦，係啲拍檔難頂，我放長假係要呼吸新鮮空氣！」在旁的吳業坤除帽後被發現大汗叠細汗，他靦腆答：「我真係好大汗，冇得救，一日早晚要沖兩次涼，細個返學啲同學仔肯同我玩，但玩完又話我臭！」阿田收起笑聲，「安慰」他說：「唔玩你嘞，係大汗啲啫，冇臭喎！」
來源 source: http://hk.on.cc
|
鍾意就快D Share啦！
|
|
|
