2018年1月7日 星期日

【獨家】為聖誕攬Mandy補鑊? 洗米華夫婦合體行銅記零接觸 __,洗米華,Mandy Lieu,Mandy,周焯華,

太陽娛樂老闆周焯華(洗米華)同老婆洗米嫂陳慧玲(Heidi)、以及MandyLieu嘅關係擾攘多年,時不時就有世界各地嘅讀者見到洗米華同老婆又或者係M ...




太陽娛樂老闆周焯華(洗米華)同老婆洗米嫂陳慧玲(Heidi)、以及Mandy Lieu嘅關係擾攘多年,時不時就有世界各地嘅讀者見到洗米華同老婆又或者係Mandy四圍去,聖誕嘅時候佢就陪Mandy Lieu喺馬爾代夫玩。(詳見:http://bit.ly/2D0xtUe)

不過噚晚,洗米華陪住洗米嫂同埋三個仔女,仲有洗米華爸爸,喺香港現身,仲好溫馨咁一齊行街。《蘋果》就見到佢哋一家人喺銅鑼灣食完晚飯,就去咗時代廣場行街,佢哋行完一間舖頭,洗米華就自己一個先行出嚟,之後就到洗米嫂、大仔周柏豪、大女周梓潼同埋細女周羨潼,一家人邊行邊傾,有講有笑。隨行仲有幾位疑似保鑣、公關。

但可能佢哋一家唔係好熟時代廣場,因為佢哋走嘅時候,就迷咗路,本來要去到後門等車,但就行咗去化妝品部,搵咗一陣路,嗰幾位疑似保鑣、公關先話畀佢哋知行錯路,去返後門。

喺出後門嘅時候,洗米華就同梓潼、柏豪兩名子女好好傾,而洗米嫂就抱住細女,冇行出後門住,之後洗米華就發現記者,個樣有少少唔同咗,之後仲拎咗支煙出嚟,不過記者同佢揮手打招呼之後,心情好番啲。架車過咗一陣就到,洗米華就同梓潼、柏豪坐一部車,而洗米嫂就抱住細女坐另一部車。

更多娛聞,喺晒《娛果》

http://fb.com/appledailyent

【minigame】2017瘋暈人物 返工打機唔使擇日

http://bit.ly/2CeWQkP

洗米華喺聖誕節嘅時候被發現喺馬爾代夫陪Mandy,踏入2018年就見到洗米華返咗香港。 洗米華聖誕節喺馬爾代夫,踏入2018年就返咗香港同家人食飯。 洗米嫂繞住囡囡。
洗米華爸爸

迷失時代廣場。




喺後門等車好融洽。



鍾意就快D Share啦!
Related Posts Plugin for WordPress, Blogger...