2018年2月18日 星期日

陳瀅何雁詩地獄廚神赤口「炒」大鑊! __,陳瀅,何雁詩,

何雁詩(左起)、陳瀅及劉佩玥學廚盼做美女廚神。
陳瀅何雁詩地獄廚神赤口「炒」大鑊!閨蜜劉佩玥、陳瀅及何雁詩並非煮得之人,三人齊齊炒蝦拆蟹學做女廚神,為未來做賢妻鋪路!適逢年初三「赤口」,三人就互爆黑 ...


陳瀅何雁詩地獄廚神赤口「炒」大鑊!

閨蜜劉佩玥、陳瀅及何雁詩並非煮得之人,三人齊齊炒蝦拆蟹學做女廚神,為未來做賢妻鋪路!適逢年初三「赤口」,三人就互爆黑歷史,陳瀅試過煎燶餃子、何雁詩將老火湯擺到發霉,劉佩玥更誇張,陳瀅與何雁詩根本未見過她入廚房!

藝人陳瀅(Jeannie)、劉佩玥(Moon)與何雁詩(Stephanie)是娛圈好姊妹,Jeannie與Stephanie更曾是同居密友,三人決定趁農曆新年學好廚藝,為未來學做賢妻!一向喜歡吃海鮮的Jeannie,率先入廚房跟師傅學做「黃金蝦」,見她有板有眼,面對大火爐頭都絕不怯場,而Stephanie則學整「避風塘炒蟹」,細細粒的她炒蟹時似模似樣,而Moon則挑戰難度最高的「發財好市」。

發霉湯煎燶餃

三人互相試食對方的成品,亦趁年初三「赤口」互爆彼此入廚黑材料,Moon爆料指Jeannie試過煎餃子給她吃,在客廳等食時聞到一陣燶味,走入廚房見到餃子已被煎燶:「佢仲好自得其樂咁同我講,『就有得食啦』!」Stephanie亦踩多腳爆Jeannie連麵包都會焗燶:「試過佢焗完麵包第二日,我打開個焗爐,見到有舊黑色嘢喺入面,原來係佢見個麵包焗燶咗,冇食到,就咁擺喺入面冇執。」Jeannie則反擊指Stephanie同樣冇手尾,會擺到食物變壞發霉,Moon補充說:「佢飲唔晒啲湯就會擺喺度,擺到發霉佢都唔拎去洗。」問到Moon的廚藝如何?Jeannie與Stephaine表示不知道,皆因從來未見過她行入廚房。

何雁詩學炒避風塘炒蟹,似模似樣。
  • 何雁詩學炒避風塘炒蟹,似模似樣。
陳瀅炮製「黃金蝦」,睇落冇乜難度!
  • 陳瀅炮製「黃金蝦」,睇落冇乜難度!
劉佩玥難得下廚,挑戰「發財好市」!
  • 劉佩玥難得下廚,挑戰「發財好市」!
何雁詩(右)硬塞食物入陳瀅口,唔通想阻止佢再爆大鑊?<br>
  • 何雁詩(右)硬塞食物入陳瀅口,唔通想阻止佢再爆大鑊?

享受單身唔急求偶

過去一年三人都有得失,Stephanie直言去年是非纏身,負面新聞不斷令她情緒爆發,她坦言事過境遷,情緒病亦已康復,目前與男友鄭俊弘感情穩定。單身一年的Jeannie直言享受,目前未遇到好對象,覺得感情事要隨緣。Moon則緋聞不斷,與周志文頻被影到去街,她卻說全是冇米粥,她亦直言不恨拍拖,指身邊已有很多人錫她。

文:影視組

劉佩玥服飾、化妝及髮型:Sinequone、Angela Shum@Anjo Makeup

場地:辣蟹舫






鍾意就快D Share啦!
Related Posts Plugin for WordPress, Blogger...