掃呢頁CODE去手機

2018年2月18日 星期日

《愛.回家》情侶出動 教你冧掂另一半家人 __,愛.回家,

大家學嘢喇喂!無綫劇集《愛.回家之開心速遞》嘅情侶檔大受歡迎,當中跳過「愛的手勢舞」嘅「熊心如」蘇韻姿同「池子孝」阮政峰以及「金城安」周嘉洛同埋「Bo ...


大家學嘢喇喂!


無綫劇集《愛.回家之開心速遞》嘅情侶檔大受歡迎,當中跳過「愛的手勢舞」嘅「熊心如」蘇韻姿同「池子孝」阮政峰以及「金城安」周嘉洛同埋「Bonnie」林凱恩,最受網友歡迎,個個都話佢哋戲假真做,十足十真嘅情侶一樣!

齊齊寫揮春

趁住農曆新年,四位應應節寫揮春,仲用對方個名嚟寫,實行考吓佢哋嘅創作小宇宙!首先接受挑戰嘅係蘇韻姿同阮政峰。喺多倫多土生土長嘅蘇韻姿,雖然中文字唔係太識寫,但佢寫嘅時候都寫得有板有眼,寫「團團阮阮」、「峰生水起」仲寫得好靚添!至於阮政峰就大玩中英合璧,寫咗「蘇花蘇Good蘇Pretty」,創意取勝!至於周嘉洛同埋林凱恩就晒學識突圍,林凱恩先以「洛事滿載」、「嘉中有愛」,周嘉洛以「情深似凱」、「恩恩愛愛」嚟承接,真係隔住個Mon都Feel到個種文學修養!

要夠主動

講到拜年攻略,教大家點樣冧掂另一半嘅屋企人,等大家可以輕輕鬆鬆逗利是,四位不約而同最緊要係講祝賀語:「身體健康一定要啦,呢個係百搭嘅!」至於林凱恩話要向「未來奶奶」入手,話拜年時候記得要幫手:「唔好掛住坐喺度,要好幫到手咁,去到人哋屋企做吓嘢,但通常人哋爸爸媽媽都唔使要你幫手嘅!」

講到逗利戰績,喺多倫多長大嘅蘇韻姿應該係「收入」最好嘅一個,佢話:「千幾蚊加幣,嗰陣匯率高啲,都有成萬幾蚊港紙,咁啱我媽咪公司年年都搞團年飯,所有同事都會出席,所以我哋就會去逗利是。(喺香港收入大減?)我又冇得食團年飯,親戚同朋友都喺多倫多,所以今年會視像拜年。」至於阮政峰話最勁一次試過有七千幾蚊:「屋企大家族,同埋我教武術,好多家長會畀利是我。」雖然周嘉洛同埋林凱恩只得幾百蚊,但蘇韻姿提議拉大隊去「緋聞男友」阮政峰屋企,希望可以逗番多啲利是。

場地:城寨風味

蘇韻姿服裝:Amelie Street

林凱恩服裝:caxxcarash

林凱恩髮型:People @ hair


來源 source: http://hk.on.cc
鍾意就快D Share啦!