2018年5月21日 星期一

江若琳:擲20萬說愛你!蕭潤邦送2卡鑽戒冧爆江若琳 __,蕭潤邦,江若琳,

蕭潤邦同未婚妻江若琳努力籌備婚禮。「生煎包王」蕭潤邦(Oscar)與未婚妻江若琳(Elanne)將於12月23日拉埋天窗,距離婚禮還餘幾個月時間,兩人 ...


蕭潤邦同未婚妻江若琳努力籌備婚禮。


「生煎包王」蕭潤邦(Oscar)與未婚妻江若琳(Elanne)將於12月23日拉埋天窗,距離婚禮還餘幾個月時間,兩人正為婚禮努力籌備,一向愛錫未婚妻的Oscar就藉住520(象徵「我愛你」)的放閃日子,被撞破煙韌揀結婚戒指及520禮物!見到Oscar與身穿露肩上衣的Elanne從銅鑼灣一間餐廳步出,兩人身穿情侶裝爛牛仔褲,過馬路時Man爆的Oscar更搭住Elanne膊頭,如連體嬰般步入一間戒指店。

拉拉扯扯玩推手

兩人一入店內,店員就即招呼他們,見兩人依偎在一起,認真揀選櫥窗內的戒指,期間見Elanne不時冧笑,似乎被Oscar氹得好開心。Oscar更將Elanne一擁入懷,之後兩人更耍起花槍來,Oscar一時撳住Elanne的嘴,一時又捉住她條頸,Elanne又還拖玩推手,兩人旁若無人地玩到扭作一團,見Elanne十分受落,被氹到哈哈大笑,認真Sweet爆!見兩人很快就揀選到心水戒指,並即場戴上手試效果,似乎十分滿意的他們又甜蜜大晒手上鑽戒影相,之後又拿起一張紙合照,過多一會兒,兩人很快就提住紙袋離開戒指店。

記者立即上前追訪,Elanne見到記者即尷尬大笑,但兩人大方透露是來揀戒指,Oscar坦言:「我揀咗個Design,呢度就幫我造咗一隻呢個Design嘅戒指。(你自己設計?)我大概知道佢想要啲咩,其實都唔係設計,係網上睇吓大概感覺係點。」他透露結婚鑽石戒指價值6位數字,Elanne即笑言:「但我唔介意每年加1卡。」Oscar亦謂這間店的戒指男士一生人只可買一次,Elanne亦謂男士要簽紙證明一生只可在這買一次,笑言:「如果佢要買第二隻過主啦。」聞言Oscar即撳住Elanne的嘴,兩人又當眾在街頭耍花槍。據知Oscar買了5位數的鑽石結婚戒指,還加碼十幾萬多買了一隻逾兩卡的鑽戒為「520」禮物,花20萬博紅顏一笑。

兄弟姊妹團未定

講到婚禮籌備情況,他們表示大致OK,只是搵兄弟姊妹團有些複雜,但因為他們認為婚禮是大家來聚一聚,故不用太鋪張。談到婚紗,Elanne表示已定好款式,但Oscar要結婚當日才會見到,問到是否太性感不能讓他見到?Oscar笑言:「有一Part佢嗰件婚紗淨係着畀賓客睇,唔係着畀我睇,因為驚我鬧佢。」

----------------------------

東網巨星開咗ig喇,大家快啲follow

https://goo.gl/KGuo2N  


來源 source: http://hk.on.cc
鍾意就快D Share啦!
Related Posts Plugin for WordPress, Blogger...