2018年7月12日 星期四

馬國明:心穎氹買戒買樓?馬國明爆定情戒係夾錢買 __,心穎,馬國明,黃心穎,

明晒!藝人馬國明與女友黃心穎打得火熱,二人拍拖一段日子,更由低調轉為公開。向來孝順的馬國明不嬲都愛錫家人,與家人同住,不過有報道指黃心穎想霸佔馬國明, ...


明晒!


藝人馬國明與女友黃心穎打得火熱,二人拍拖一段日子,更由低調轉為公開。向來孝順的馬國明不嬲都愛錫家人,與家人同住,不過有報道指黃心穎想霸佔馬國明,二人先買訂情戒,之後再買婚戒,心穎更說服男友買樓,二人另築愛巢。

認儲緊錢:呢行冇乜保障

對此,馬國明接受東網訪問時謂:「首先多謝大家關心,其實我哋都未傾到結婚呢個話題,心穎仲年輕,佢都仲想喺事業上努力先,但啲雜誌好得意,我哋都未諗到嘅嘢佢已幫我哋諗埋。至於婚後係咪同父母一齊住,我哋都未諗,但想搵多啲錢係真嘅,呢個係我自己好想,唔關佢事,識我嘅人都知我成日都話要儲多啲錢,因為呢行冇乜保障,叫做可以儲到錢嘅時間唔儲錢,對日後生活真係冇乜保障,多個錢傍身,搵啲嘢投資係好啲嘅。」

護花自爆定情戒係夾錢買

說到被指買廿萬定情戒很肉赤時,馬國明笑言:「又唔會肉赤,首先唔係廿萬咁多,通常我買嘢都係計好數、自己負擔得起先至買,而且我哋係夾錢買,大家唔好誤會佢成日使我錢,佢都搵到錢,佢都係用自己錢買。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...