新一屆港姐在上星期完成首輪面試，昨日再從中揀選60至70名進行複試，候選佳麗由昨早9時開始，陸續現身康城站準備入電視城。不少獲網民注意的候選佳麗都順利入圍，狄易達舊愛陳曉華（Hera）、黎瑞恩世姪女吳天兒（Tiffany）、章子怡師妹姚羽嘉及香港大學犯罪學碩士陳筠婷（Coco）都有份進行第二輪面試。比較騎呢的佳麗，包括黃夏蕙提名的整容女Eva，就不見蹤影。
不少佳麗昨日衣着都比較性感，當中不少明顯見到刻意低胸兼玩透視誘惑。部份佳麗更被發現喺淘寶買戰衣，價錢由80元到400元不等，來自深圳大學英文系的中英混血兒蔡優美，身穿的黑色喱士連身短褲，淘寶僅196人民幣。
| | |
輕鬆睇負評
被指跟「日本國民美少女」後藤久美子超似的黎瑞恩世姪女Tiffany，被問到成為大熱有何感想，她笑說：「多謝，我對自己有信心，上帝有預備。」問到小恩子有否向她傳授心得，Tiffany說：「佢叫我淡定啲，面對記者笑多啲。」
至於被網友指她似曾志偉及大番薯的Coco，則表示不介意負評：「睇到啲留言開心，我覺得好可愛！」不過她亦直認對殺入第二輪面試感意外：「我覺得自己只係唔小心碌咗入嚟。」有「章子怡師妹」之稱的姚羽嘉，昨日穿上卡其色露肩連身裙應戰。但有消息指，姚羽嘉並未現身記者會，有指她因合約問題而退選。面試過後，Honey、Hera及視覺藝術導師Stephanie，一同坐港鐵到佐敦的餐廳醫肚，三人有講有笑更即席自拍留念，最後更一同坐的士離開。
採訪：羅慧敏、卓寶花
攝影：林賓尼、羅德光
|
鍾意就快D Share啦！
|
|
|
