2018年8月9日 星期四

【獨家】被指偽君子唔養孫仔 新婚陳榮峻嘆:關我哋老人家乜嘢事? __,陳榮峻,

陳榮峻嘅孫仔(右一)今年約13歲,由於父母離異,自幼由婆婆照顧。(資料圖片)
62歲金牌綠葉陳榮峻剛啱再做新郎哥,上月10日與拍拖3年女友、58歲嘅吳香倫結婚,黃昏戀有個圓滿結局。新郎陳榮峻嘅93歲媽媽、三名子女及兩個孫仔,仲有 ...


62歲金牌綠葉陳榮峻剛啱再做新郎哥,上月10日與拍拖3年女友、58歲嘅吳香倫結婚,黃昏戀有個圓滿結局。新郎陳榮峻嘅93歲媽媽、三名子女及兩個孫仔,仲有陳榮峻嘅哥哥專登由新西蘭返港為佢證婚,四代同堂,十分熱鬧。

(相關新聞﹕https://bit.ly/2JCztUm)

不過結婚當日,《蘋果》收到一封手寫匿名信,長達三頁紙,斥責陳榮俊是「偽君子」。爆料人似乎對陳榮峻家事瞭如指掌,指陳榮俊長子陳穎霖年輕時與一名未成年女子生咗個仔,但婚後不足一年分居,孫仔最初由陳榮俊太太鄭安麗負責照顧,但太太於2010年去世後,陳榮俊以「一屋男人」為由,交畀孫仔嘅何姓婆婆照顧。

爆料人稱,當時孫兒年約5歲,而何婆婆本身正進修神學院課程,兩邊奔忙,非常吃力,但最後仍答應照顧。爆料人續稱,陳榮峻最初都有每月給予一千蚊生活費,但俾咗一年幾就冇再畀。爆料人稱不值其所為:「婆婆住土瓜灣公屋,佢(指陳榮峻)就住馬鞍山獨立屋地下;又有錢成日出埠旅行,但阿爺就一蚊都唔肯去負責,係咪過橋抽板?!」

記者致電陳榮峻了解事件後,佢都好有耐性解釋番件事,承認兒子與前妻已離婚,但並非未成年結婚。佢話:「當年我太太走咗,一個男人,我根本點教,又要返工。所以交畀婆婆湊,咁婆婆係要返學,所以太婆都有幫手湊。」有冇畀贍養費?陳榮峻表示:「可以話冇特定一個費用,佢哋當初離開(分手),女方又冇要求任何嘢,近年佢(大仔前妻)想攞返撫養權,法庭方面都判咗,係零贍養費,所以都唔可以怪我個仔,係大家去傾,而我個仔現在另外都有頭家。」

陳榮峻稱多年來都有為孫仔支付學費:「好老實,我有能力,孫仔讀直資學校我都俾到佢六年班,仲有每月一千蚊。咁佢(大仔前妻)好似(孫仔)三年班攞番撫養權,但我都有俾孫仔小學開學買書薄、校服同過年買衫錢,係到佢中一之後就冇畀,孫仔今年好似讀中二喇。」

問到係咪經濟出現問題?陳榮峻嘆謂﹕「我經濟都OK,但講實話,關我哋老人家咩事吖?!」陳榮峻坦言與孫仔嘅婆婆關係良好:「我到依家都係叫佢襯家,結婚當日,孫仔婆婆同太婆都有嚟飲,如果關係唔好點會嚟?」問到知唔知係咩人寄匿名信?陳榮峻掛線後一會再回覆﹕「我都有同襯家了解,佢話估到係咩人做,仲叫我唔使理。」



精選娛聞,喺晒《娛果》:

http://fb.com/appledailyent

陳榮峻嘅孫仔(右一)今年約13歲,由於父母離異,自幼由婆婆照顧。(資料圖片) 陳榮峻結婚當日,《蘋果》就收到一封暱名信件,指斥陳係偽君子。(資料圖片) 陳榮峻結婚當日,《蘋果》就收到一封暱名信件,指斥陳係偽君子。(資料圖片)
陳榮峻婚後與太太吳香倫到坐郵輪到地中海旅行。(fb圖片)

陳榮峻婚後與太太吳香倫到坐郵輪到地中海旅行。(fb圖片)
仲買嘢買得好開心。(fb圖片)

仲買嘢買得好開心。(fb圖片)
黃婚戀修成正果,唔少人都戥佢哋開心。(fb圖片)

黃婚戀修成正果,唔少人都戥佢哋開心。(fb圖片)
陳榮峻結婚當日,《蘋果》收到一封手寫匿名信,長達三頁紙,斥責陳榮俊是「偽君子」。

陳榮峻結婚當日,《蘋果》收到一封手寫匿名信,長達三頁紙,斥責陳榮俊是「偽君子」。

鍾意就快D Share啦!
Related Posts Plugin for WordPress, Blogger...