2018年10月28日 星期日

岳華:【冧妻語錄】岳華愛恬妮係飛機場 __,岳華,

下一世,要繼續一齊!「如果下一世係咪願意同恬妮一齊,我願意。」岳華說。相愛超過四十年的岳華和恬妮,於2006年接受沈殿霞主持的節目《友緣相聚》時暢談相 ...


下一世,要繼續一齊!


「如果下一世係咪願意同恬妮一齊,我願意。」岳華說。相愛超過四十年的岳華和恬妮,於2006年接受沈殿霞主持的節目《友緣相聚》時暢談相愛多年的點滴,期間不忘互窒,打情駡俏,包括岳華爆恬妮早年的生活時白天飲酒及遲起床等,但卻絲毫不損他們的恩愛。在1969年至1972年已拍了超過120部電影的恬妮,自言當時非常任性,自爆24歲時因為貪玩,推掉名導李瀚祥等的電影,和女性朋友歐遊玩樂:「當時貪玩到,諗住玩完返嚟自殺,當時覺得冇乜嘢,唔知點解。」而拍過不少艷情片的她,認為只是演戲故未有尷尬外,更自嘲身材為「洗衫板」、「飛機場」,故冇親拍裸露戲份。

差啲移唔到民

兩人是1975年在新加坡的活動才相識,岳華被問到初見恬妮的感覺,他即笑說:「佢為人灑脫,又瘦瘦哋,頭先佢話自己係飛機場,係,我喜歡landing容易啲,哈哈!」兩人又重提當年被指大打出身鬧上差館一事,岳華笑說:「佢想我去赤柱坐監!」恬妮說她飲醉坐岳華車,一度扯着軚盤嚷着說要下車,岳華本能反應一手甩開她,拍到她的臉部,當時她激動得說要報警兼要控告對方:「可能差人見我醉,唔肯同我落案,李瀚祥太太勸咗我成晚,叫我唔好告岳華,之後諗返要多謝佢。因為之後我哋移民加拿大,我先知大件事,如有案底就唔得。」

笑岳華烚熟狗頭

恬妮說感激岳華的包容及器量大,她說:「如果唔係岳華咁包容我,個女成長一定有缺陷,因為小朋友成長一定要父母一齊,個女有完整家庭,係岳華嘅功勞。」恬妮又自爆在加拿大生活時,如果和岳華吵架,會獨自駕車到海邊唱歌消氣,她笑說:「唱完歌返去就冇嘢,唔理佢,如果唔去海邊,對住佢就會:『哼!你個烚熟狗頭!』sorry,廣東話我只識呢幾句講得正啲!」

風趣幽默的岳華,指恬妮是慈禧:「佢喺出面對朋友或對個女,係慈濟(慈濟是加拿大慈善機構,他們常參加該會的義工服務);佢對我,就係慈禧。(點解佢咁對你?)或者我應該對佢多啲包容。」、「佢係我頂頭上司,同我推咗唔少劇本。」岳華說年青時的恬妮雖然任性,但任性得來是開心,經歷不同階段有其不同的開心,他說:「有人問過恬妮,下一世如果要同岳華一齊,願唔願意?佢話願意,我都願意,但要換一換角色。」

另外,和恬妮拍拖前,岳華和作家亦舒有過一段情,岳華曾以「性格特別」形容對方,包括因呷醋剪爛他的西裝外,有傳性格剛烈的亦舒曾為他自殺,亦有指兩個性格大不同,包括亦舒愛看日本偵探小說作家松本清張的作品,但岳華則只愛詩詞歌賦、愛看古文。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...