陳雅倫塊面腫腫哋。
藝人陳雅倫早前搬入新居，佢已經發文鬧爆話新居各處嚴重漏水，有啲位置仲發霉到生菇！今日佢再更新微博指自己病倒咗，上載咗張面腫相，留言：「家裏因污水漏水事故，導致野菇叢生！假天花已不知道藏了多少細菌？漏水事件已經拖延兩個多月，業主仍然無動於衷，只管收租，一於懶理住客生死難受，極其自私自利，完全沒有盡半點作為業主應負的責任！」
大嗌相報警
又指自己受病毒感染，佢話：「昨天已經感到很不舒服，細菌入耳，引致顎骨發炎，右邊面腫痛得很厲害。。。但由於今天要在瀋陽工作，只好叫自己頂着，回到香港才入醫院作徹底檢查！這樣的受細菌感染，我真的憤怒了，真的想報警了，我要找回公道、公理！」認真慘情！
畀業主追租
其實日前，佢已經發文話業主完全冇盡到責任，仲畀人追交租，佢話：「在他還沒有收到十月份租金的『第7天』竟然去土地審裁處告我欠租7天，派人天天來我家大門口張貼啓示真的火心都嚟！你不做好業主本份，卻只顧狂追收取租金為目的，這樣自私自利，話之你生活受到嚴重影響的行為，我都是第一次遇上！我租金照交，但你已嚴重地違約！」佢仲仲話《東張西望》已經去咗佢屋企拍攝添！
陳雅倫接受東網訪問，佢話：「喺大陸開工，有咩睇我嘅社交網。」
來源 source: http://hk.on.cc
|
鍾意就快D Share啦！
|
|
|
