2019年6月22日 星期六

菊梓喬(Hana):C1:菊梓喬自創台風尖東Busking伴舞 __,菊梓喬,

Hana變身Miss,K房改造走音粉絲!「最受歡迎女歌星」菊梓喬(Hana)全憑毅力攀上「一姐」之位,奮鬥故事感動不少粉絲,其中Kuma想學唱歌,奈何 ...


Hana變身Miss,K房改造走音粉絲!


「最受歡迎女歌星」菊梓喬(Hana)全憑毅力攀上「一姐」之位,奮鬥故事感動不少粉絲,其中Kuma想學唱歌,奈何經濟能力不允許,Hana即變身星級導師,走入K房為對方進行大改造,更拉隊殺入尖東實測,激發原本唱到走音的女粉絲充滿自信,大膽到在人前Busking。

Hana走過不少艱辛,多年來堅持追夢,終於唱出星途,令人感到當歌手不是夢,她的成功例子亦成為其Fans追夢人辦,忠粉Kuma同樣自小愛唱歌,今集《我和星星有個約會》中,希望得到偶像傳授唱歌秘技,讓她的人生更充實和有意義。

Hana找來另外三位Fans阿偉、Tiffany和Nico來到K房,陪Kuma一起接受地獄式訓練,當她現身時四人立即興奮尖叫,為能了解各人唱功,她即場測試他們的歌唱實力,見到Kuma未唱已「硬晒軚」,Hana即「Miss Kuk」上身,教他們減壓「甩手操」,又叫大家深呼吸放鬆,並將自己的經驗擺上枱說:「其實我每次表演前都會緊張,全靠郁身郁勢當做熱身。」幾位Fans立即鬆一口氣。

不過,Hana覺得在K房唱歌冇難度,即興要求他們街落實測,她說:「我哋去街頭Busking,睇吓邊個最有膽量,邊個最無畏懼就係終極勝出者!」一行人跳出K房走到尖東街頭表演,Hana說:「呢度夠多人喇,就喺度測試你哋膽量,同埋啱啱我教嘅嘢,睇你哋可唔可以大展所長」果然經Hana親自指導後,Fans面對陌生人唱歌明顯冇膽怯,Hana要Nico騷台風,並教他一招:「殺死個鏡頭!」他即聽話「劈」住唱,認真搞笑,而Hana亦一改平日斯文作風,全程不介意負責伴舞,又整古做怪搞氣氛。

進步神速有獎勵

最後輪到「騰雞Kuma」壓軸出場,雖然一開口就走音,還以為她玩緊「超級無敵估歌仔」,不過勝在愈唱愈勇,當正街頭是紅館舞台,表現大膽,連Hana都忍不住讚:「嘩!真係進步好神速,頭先教嘅完全見到晒喺Kuma身上,所以,今次嘅優勝者係Kuma。」談到今次「約會」,Hana開心地說:「有機會同粉絲互動,發覺佢哋好肯去學、好肯嘗試,年輕人有一顆咁樣嘅心,佢哋咩都會試,唔怕失敗,好叻!」

場地:尖東港晶Neway

更多新聞,請瀏覽東方日報網頁:

https://orientaldaily.on.cc/




來源 source: http://hk.on.cc
鍾意就快D Share啦!
Related Posts Plugin for WordPress, Blogger...