掃呢頁CODE去手機

2019年6月22日 星期六

【戀愛大過天】直認反叛下嫁劉芳剛 黃淑儀揭首段婚姻似服侍老爺 __,黃淑儀,

黃淑儀有過兩段婚姻,合共生了四個仔女。(資料圖片) 
黃淑儀有過兩段婚姻,她為前夫劉芳剛和現任丈夫徐景清醫生合共生了四個仔女。GiGi姐在商台節目中坦承自己年青時反叛兼戀愛大過天。相關新聞:【純屬意外】拍 ...


黃淑儀有過兩段婚姻,她為前夫劉芳剛和現任丈夫徐景清醫生合共生了四個仔女。GiGi姐在商台節目中坦承自己年青時反叛兼戀愛大過天。

相關新聞:【純屬意外】拍《書劍》被汪明荃劍傷眼眉 黃淑儀:當年半個電話都冇打嚟問候



19歲未爆紅已經不理父母反對下嫁資深導演兼TVB藝員訓練班導師、年紀比她大21年的劉芳剛,GiGi姐解釋:「覺得佢係可以付托終身嘅人,佢有事業同經濟基礎,我唔係要大富大貴,但有安全感。」她承認劉芳剛是傳統大男人,自己亦不介意做小女人,她說:「我覺老婆係應該咁做,佢放工我會攞拖鞋,斟定茶,佢朋友嚟屋企打牌,我就煮飯,等啲細路哥瞓晒,我問『可唔可以畀我打兩鋪呀?』,佢就話『都打完,打甚麼打』哈哈,好似老爺。」GiGi表示雙方從未起過衝突,但自己人越大,更希望在外面世界學習更多新事物,做自己想做的事。77、78年,她毅然遠走加拿大與弟弟一齊住,她說:「都叫做分居啦,因為佢唔肯簽紙離婚,但都要接受啦。」



到第二段婚姻,GiGi姐透露徐醫生比自己細兩年,但大家好夾,對金錢及人生觀看法相近。主持梁泰來提到GiGi姐當年為陪徐醫生讀書,專登要求監製王天林減少自己在《蕭十一郎》的戲份,她笑說:「哈哈,咁都畀你翻出嚟。當年佢要去英國考個專業試,想我陪佢去,但係我拍緊謝賢同李司棋一生雙旦嘅劇,我問天林叔可唔可以放我一星期假,佢話唔得,咁我就使橫手,打畀編劇叫佢寫少啲我出場,咁我可以去陪佢讀書。」婚後GiGi亦淡出娛樂圈專心相夫教子,她說:「咁佢(老公)冇話唔畀復出,但細路8歲前就唔好心郁,最後細路12歲我先復出。近年潘嘉德開劇我就返嚟拍兩、三個月,仔女都可以自己照顧自己,就得徐老爺一個喺屋企囉。」





7月4日起 《蘋果動新聞》只限升級壹會員閱覽

繼續撐蘋果!

https://hk.adai.ly/e/iIRREmuwDX



黃淑儀比劉芳剛細21年,她亦不介意做小女人。 (資料圖片)  黃淑儀比劉芳剛細21年,她亦不介意做小女人。 (資料圖片) 
黃淑儀與現任丈夫徐景清育有兩子,小朋友已經長大,他亦不介意太太復出幕前。(資料圖片) 

黃淑儀與現任丈夫徐景清育有兩子,小朋友已經長大,他亦不介意太太復出幕前。(資料圖片) 
 黃淑儀年輕時確實是索女,衣着打扮好時尚。(資料圖片) 

黃淑儀年輕時確實是索女,衣着打扮好時尚。(資料圖片) 
 黃淑儀當年與謝賢合作,但為陪徐醫生去英國讀書,寧願減少戲份。(資料圖片) 

黃淑儀當年與謝賢合作,但為陪徐醫生去英國讀書,寧願減少戲份。(資料圖片) 
黃淑儀接受梁泰來訪問

黃淑儀接受梁泰來訪問

鍾意就快D Share啦!