2019年6月22日 星期六

U21歐國盃:曼聯門將恥辱派膠 小三獅歐國盃肉酸出局 __,小三,曼聯,

甸恩軒達臣(右)派膠累街坊。(GettyImages)「美洲國家盃」全天候至強盤路資訊,一網睇晒:https://bit.ly/2wOTjaV 擁有多 ...


甸恩軒達臣(右)派膠累街坊。(Getty Images)


「美洲國家盃」全天候至強盤路資訊,一網睇晒:https://bit.ly/2wOTjaV 

擁有多名英超球員嘅英格蘭U21,喺U21歐國盃決賽周2連敗、失6球,已經提早出局!小三獅上屆勇奪季軍,修夫基之後仲升格做英軍主帥,但球隊今次決賽周就曳到無倫,次仗鬥羅馬尼亞U21於最後20分鐘內失4球,輸2:4乜面都冇晒。其中被睇好為未來曼聯首席門將嘅甸恩軒達臣,竟然將對方個遠射撲入龍門,要代替迪基亞真係笑大人個口。

首仗小三獅鬥法國U21,於補時階段雲比沙卡擺烏龍,累英軍輸1:2。今次鬥羅馬尼亞,主帥保夫萊特竟然收起曼城天才中場菲爾科頓,亦將因為即將轉會曼聯而分心嘅雲比沙卡擺於後備席,面對羅馬尼亞處於下風,75分鐘首先輸12碼落後。5分鐘後迪馬雷格雷追成平手,點知轉頭又落後。87分鐘譚美阿巴謙為英軍再度追平,但噩夢卻隨即出現。

89分鐘羅馬尼亞後備前鋒高文禁區外起腳,上季由曼聯借到錫菲聯、帶領後者升上英超嘅甸恩軒達臣,竟然論論盡盡撲咗個波入網,將之前辛辛苦苦追番2球嘅努力付之一炬。之後高文遠射再入1球,英軍輸2:4出局。

呢支英格蘭擁有菲爾科頓、雲比沙卡、占士麥迪臣、賴恩施斯隆等,但竟然早早出局,堅令人失望;而甸恩軒達臣早前表示,自己夠料踢英超,而且亦認為足以為曼聯出戰,但呢場咁樣派膠累出局,難怪唔少魔迷,都話佢現階段冇可能代替迪基亞。

立即參加「賞您睇」:http://bit.ly/2JWKULh 

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...