2019年8月17日 星期六

陳琪:陳琪被迫着泳衣騷身材:我唔着老公就… __,陳琪,

邊有老公逼老婆着泳衣騷身材?藝人陳琪與老公胡諾言近日帶同三名子女到台北旅行,親親動物兼戲水,不過最吸睛是向來密實的陳琪穿上螢光粉紅泳衣大騷弗爆身材,完 ...


邊有老公逼老婆着泳衣騷身材?


藝人陳琪與老公胡諾言近日帶同三名子女到台北旅行,親親動物兼戲水,不過最吸睛是向來密實的陳琪穿上螢光粉紅泳衣大騷弗爆身材,完全不似生了三名小朋友。陳琪表示泳衣是去年購買,但一直不敢穿着:「老公話我嘥錢,佢話如果我再唔着,以後都唔買衫畀我。」

胡諾言貪靚膊頭受罪

陳琪透露今次到台北沒有趕景點,幾日都在酒店範圍內活動:「間酒店可以同動物近距離接觸,我哋坐喺架鳥籠車入面進入保育區,啲動物就喺出面走來走去,有飼養員去餵飼獅子老虎。」另外,陳琪稱老公帶了兩個女兒一齊看猴子,囡囡看得十分過癮,但老公就不太享受:「囡囡覺得好得意,好似卡通片入面嘅咁,但入場參觀要戴草帽同口罩,老公話戴口罩影相咪唔靚囉,戴帽又會整亂個頭,佢同餵養員傾咗好耐,佢話個頭gel咗成個鐘,戴住頂草帽,個髮型會亂晒,我笑咗好耐,我同佢講你要戴住,因為我見啲馬騮好鍾意坐喺啲人個頭上面,果然一入到去,老公就成為佢哋嘅目標,一直坐喺老公嘅頭上面,餵咗半個鐘就坐足半個鐘,佢話重到不得了。」

---------------

立即參加「賞您睇」: https://tinyurl.com/y2e6pmwk

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!
Related Posts Plugin for WordPress, Blogger...