本週必睇 爆《玩嘢王》新受害人 馬明：呃我借咗 3萬蚊

老友點都要借啦！真實對白

《玩嘢王》絕大部分整蠱對象都是無綫藝員，最新受害者馬國明被好友曹永廉出賣。「問我借 3萬算少，聽講有啲借好多㗎！阿廉開口幾多都借啦！」《忽然 1周》圖片

真面目

本週必睇　爆《玩嘢王》新受害人　馬明：呃我借咗 3萬蚊

《玩嘢王》呢期 hit爆，上週六嘉欣 BB喪喊玩番魔術師 Louis一集，平均收視雖只微升 1點有 21點，但 myTV截至週一（ 6日）觀看人次超過 23萬，比《金枝貳》高 4倍！更惹起 TVB整蠱潮，藝人見李思捷如見鬼。

再有受害人被整蠱，馬國明、陳敏之、楊怡、羅仲謙等無一倖免，其中馬國明更被老友曹永廉玩殘：「佢呃我借咗 3萬蚊呀！」借得少咗啲喎！

播了 3集的《玩嘢王》叫好叫座，集集有話題，雖然明抄鼓佬 Kevin仔（李健宏）在 YouTube的玩嘢習作《玩爆你個腎》，但觀眾一樣受落，李思捷更話有意加碼再拍，不過電視城已經人人自危，想再整蠱藝人真係冇咁易。

上集節目預告被遮樣的原來是曹永廉，他將偷拍器材就藏在黑色背囊內，但睇呢個鏡頭，應該仲有其他幫兇負責偷拍。

有傳福祿壽原定今年有搞作，但李思捷高竇推 job，惹阮兆祥和王祖藍不滿，隨時拆夥。

曹永廉炒燶股借錢

繼上集鍾嘉欣精湛演技贏盡民間視後之聲後，觀眾都好關心仲有邊啲藝人被玩。據知本週六播出的一集，李思捷將玩埋友情，同藝人夾計向藝人好友借錢，睇吓佢哋肯唔肯為朋友犧牲。被玩的有男神馬明，李思捷這次沒有親自出馬，而係請與馬國明一齊拍《 On Call 36小時 II》的曹永廉出手。

當日曹永廉一早預備定偷拍鏡頭藏在背囊，趁拍劇時一有空檔，急急拉住馬國明行出錄影廠，扮慘聲稱炒燶股票，要問馬國明借 3萬元救急，馬明不虞有詐一口應承，曹永廉即大笑馬明中計。

事後馬明 BB接受本刊訪問時承認被整蠱，但說節目未出街不能透露太多，只說估唔到整蠱他的是老朋友。「阿廉話近排炒燶股票，又好驚老婆知道，問我借錢，識咗佢咁耐又唔係借得多，咪借囉！（借咗幾多？）佢呃我借咗 3萬蚊呀！」馬明仲話曹永廉得呈後忍唔住笑，自爆偷拍緊《玩嘢王》他才如夢初醒：「其實我識咗佢咁多年都冇聽過佢炒股票，但我哋好老友點都要借啦！」一啲都唔介意咁話。

陳敏之：幾好玩吖！真實對白

陳敏之被整蠱借 10萬以上，一口就答應，可想而知敏之好有米。

急借 6位數

節目預告思捷仲會派出幾個同黨向不同藝人借錢，想知邊個托手踭就要睇下集。

每次李思捷都會開會傾定如何整蠱藝人，魔術師 Louis（右）爆同思捷開過十幾次會，但估唔到被玩的是自己。

Louis為了整蠱鍾嘉欣，錄影前親自試過上斷頭台，確保正式錄影時不會出錯。

陳敏之借 6位數

另一受害人陳敏之亦被騙借錢，數目更加是 6位數，記者致電給她時她說應承了監製要守秘密，只肯隱晦地說：「係個好朋友打電話畀我借錢，（邊個？藝員？係咪曹永廉？）係藝員，但唔講得係邊個，總之係好好朋友嚟嘅。（問你借幾多？）借 6位數，到時你睇啦。（你有冇借？）有呀！（好多錢喎）冇所謂，佢真係好好朋友㗎，梗係借啦！（佢整蠱完你有冇講 sorry？）有呀，我都唔介意，幾好玩幾開心吖！」

陳敏之又透露，據她所知有些藝人拒絕借錢，但唔講得住喎！以後等錢使又同馬明或者陳敏之熟的話，知道搵邊個啦！

堅喊嘉欣冇重拍

鍾嘉欣 3度喪喊，呃盡全港觀眾，從未得過視後的她被網民封為今年視後，贏口碑好過贏個獎啦！

上週六（ 4日）播出第 3集《玩嘢王》表面是整蠱鍾嘉欣，實則被玩對象是靚仔魔術師 Louis（甄澤權），嘉欣 BB兩秒喪喊被激讚，網友更封她為「視後」，攞曬彩！

但亦有網民陰謀論，懷疑嘉欣 BB的大頭鏡頭是後期補拍，又說成個節目都是呃觀眾。有份玩人又被玩過的魔術師 Louis週一（ 6日）就回應話冇造假：「真係冇補拍，成個過程都係真。」他更大讚鍾嘉欣專業：「當日我 11點去電視城，同思捷綵排點玩嘉欣，原來嘉欣朝早 8點就返咗去綵排點玩我，後來佢 2點返嚟我以為係真㗎！我冇諗過佢兩秒就喊到出嚟，好犀利！」

他透露有些片段被剪走：「有段教嘉欣玩銀仔，佢玩到跌曬落地；斷頭台嗰 part，思捷話驚驚哋喎，擺咗個假人出嚟試咗幾次，都係嘉欣拉支桿嘅，試完先到思捷瞓上去。可能監製想緊湊啲 cut咗啦！」

魔術師多咗 4倍 job

Louis玩人變咗玩自己，呢集《玩嘢王》更令他人氣急升，他說播後第一天就收到近廿個 job，分別有婚宴和商場騷，是平時 4倍。

Louis在 facebook放上與嘉欣 BB及思捷合照，讚嘉欣太好戲了，吸引超過 24,000人 like。

鍾意就快D Share啦！

下一篇 》