全城熱爆的娛樂八封新聞 & 時事趣聞 & 生活 + 趣聞
阿徐同員工講嘢，唔覺意拍到對方胸前，畫面搞笑。
最近染咗金髮嘅 Eason嫂徐濠縈喺銅鑼灣開時裝店， FBI真係幾乎每次經過都見到佢喺新鋪打躉。
上個月， FBI途經百德新街阿徐間時裝店，又見到佢喺度同職員傾偈，而啱啱放學嘅康堤，亦喺鋪頭出現。鬼咁眼利嘅康堤冇耐發現 FBI，即刻向媽咪通水，再拖實媽咪行出鋪頭等車。睇嚟康堤再大啲，真係可以留喺鋪頭幫媽咪打骰。
康堤放學，校服都未換，就陪阿媽巡鋪。第時唔做時裝精都幾難。
