掃呢頁CODE去手機

2013年5月6日 星期一

淚眼BB整蠱魔術師 嘉欣玩嘢封視後

video


淚眼BB整蠱魔術師 嘉欣玩嘢封視後

BB激好戲 嘉欣《玩嘢王》攞得視後

無綫整蠱節目《玩嘢王》前晚第三集搵咗鍾嘉欣做嘉賓,當觀眾以為嘉欣BB俾李思捷同魔術師Louis Yan夾埋整蠱到喊時,突然峰迴路轉,原來俾人整蠱嘅係Louis!

查實嘉欣BB今次做咗無間道,表面上俾人整蠱,接二連三俾倉鼠、錯手令思捷手插玻璃受傷而嚇到喊,嘉欣BB都喊得好出色!到玩鍘思捷人頭時,嘉欣BB因為失手令思捷假受傷,嚇到又喊又暈,仲激動到係咁喪鬧Louis,好鬼逼真,仲爆咗句思捷係佢男朋友,睇到粉絲O曬嘴!當嘉欣BB喊到暈令Louis唔知點收科時,原來Louis中咗計,俾嘉欣同思捷夾埋整蠱咗!嘉欣嘅好演技,社交網站洗版大讚,仲讚佢係視後㖭!



■嘉欣BB又喊又叫,仲穀出真眼淚,真係俾佢嚇窒。 設計對白



■思捷扮鍘人頭出事,噴血嗰嘢勁逼真。



【七情上面】

受害人話恐怖

嘉欣BB噚日喺電話度話:「冇估到反應咁好,知道要整蠱人時好驚,唔知自己得唔得,Louis話我好恐怖,原來我會呃人嘅,我咁大個女第一次玩人,今次係大突破!」個個都讚演技好,佢開心咁話同嗰時播《護花危情》同《點解阿Sir係阿Sir》一樣,收到好多朋友短訊大讚:「冇諗過娛樂節目得到咁多認同。」咁有冇信心年尾爭視後先?嘉欣BB就笑笑口話:「唔會頒獎畀綜藝騷嘅,年尾頒獎反而冇信心,今年只係拍咗《巨輪》,唔好諗咁多。」

版主:陳基征



【嚇到暈咗】



【縮膊扮驚】



■事後嘉欣BB上載大合照耍冧,邊個捨得怪佢。 微博圖片





鍾意就快D Share啦!