全城熱爆的娛樂八封新聞 & 時事趣聞 & 生活 + 趣聞
李思捷最近蒲點係尖沙咀嘅拍板餐廳，佢每星期去打躉 3、 4晚，仲曾經帶女友春卷（王寶寶）慶祝自己生日。
38歲李思捷因為《玩嘢王》而紅到爆，仲變埋鬼見愁，事關 TVB上下都驚被整蠱，係人都怕咗佢。早排被影到同大佢 8年嘅陳雅倫喺街頭親熱，佢仲話只係整蠱橋段。
雜誌喺 5月 7日影到陳雅倫喺街頭擁啜李思捷， 2人仲喺車廂攬埋一嚿，咁都話冇嘢！
玩嘢王冧得掂「熟」女，𡃁妹呢？一樣冇問題，就喺佢同陳雅倫被影到喺街頭親熱之後幾日， FBI就發現佢同「正印」女友， 22歲嘅「春卷」返 TVB，過多兩日又撞到佢揸住架法拉利去 K11接春卷。成日被影到偷食，女友都仲係對佢一條心，李思捷應該叫做「冧女王」，唔好叫「玩嘢王」啦！
思捷夜媽媽要返 TVB搞埋《玩嘢王》嘅後期工作，春卷就做跟得女友跟埋佢返公司。
兩日後，思捷揸住自己架火紅法拉利到尖沙咀 K11接春卷，明顯兩個感情仲係好好！
