掃呢頁CODE去手機

2013年5月7日 星期二

嫩版阿佘拍拖買篋

video


嫩版阿佘拍拖買篋

嫩佘拍拖斷正 驚到彈開

【銅鑼灣開平道】喺無綫神劇《天與地》扮演嫩版阿佘嘅蔣家旻,喺大前年同朱敏瀚合作無綫劇《點解阿Sir係阿Sir》時撻著,一直被傳拍拖,佢兩個雖然多次否認,但又經常俾人影到有影皆雙。



■「嫩版阿佘」蔣家旻同朱敏瀚雖然多次否認拍拖,但前晚喺銅鑼灣拍拖再次斷正。

影相即彈開

前晚8點半,素顏戴帽嘅蔣家旻,同戴住鴨舌帽嘅朱敏瀚雙雙喺銅鑼灣開平道拍拖,有人見到佢哋蹺曬手,感覺親密又甜蜜,不過突然殺出幾個記者影相,嚇到呢對小情侶即刻甩開手。

問到朱敏瀚同蔣家旻頭先係咪蹺曬手拍拖?身為男朋友嘅朱敏瀚頭耷耷唔出聲,反而蔣家旻挺身護男友,開聲話:「冇呀!」問佢哋係咪拍拖去睇篋?係咪一齊去旅行?朱敏瀚依然唔出聲,蔣家旻繼續獨力撐,笑住答:「冇呀,睇嚇篋啫,都係為返工用之嘛。」

採訪、攝影:李志明、朱志聰



■問到係咪拍拖,朱敏瀚只係頭耷耷,反而要蔣家旻開聲護男友。

DV圖片



■蔣家旻同朱敏瀚拍無綫劇《點解阿Sir係阿Sir》撻著。

劇照





鍾意就快D Share啦!