三哥寸演員做得唔好
■苗僑偉和萬綺雯的新劇《好心作怪》將緊接《金枝貳》推出，苗僑偉強調《好》劇簡單易明。
苗僑偉（三哥）和萬綺雯（蚊蚊）主演的無綫劇《好心作怪》緊接《金枝貳》播映，昨日二人現身電視城，對被指為收視救亡，三哥說：「唔好咁講，我驚救唔到亡，越拖越累喎！希望沖淡嚇喇，有啲另外戲種睇嚇啱唔啱，我都希望將啲收視掹番好啲。其實我覺得如果《金枝貳》收視唔得都幾冷門，呢套好啱香港觀眾口味，佢哋鍾意好宮廷、勾心鬥角啲戲，得21點真係好奇怪囉！」
事實上近期無綫劇收視偏低，從年頭至今，暫時只有《老表，你好嘢！》整套劇平均收視有30點以上，有份參演的蚊蚊笑說：「呢餐飯唔易食㗎！」問到三哥會否視為目標？他說：「如果破咗《金枝貳》呢個紀錄，低過21點（平均），咪請鵬哥（無綫高層梁乃鵬）食飯，同佢講對唔住，我哋演員做得唔好，有怪莫怪！」
「唔啱觀眾口味」
不過三哥都有替《金枝貳》講好說話，他說：「會唔會計錯數呀？呢套劇又古裝、又大卡士喎，TVB啲慣性收視照計唔會得21點。」對於有演員稱不明對白的內容，三哥說：「可能係唔啱觀眾口味。」
採訪、攝影：何慧斯
|
鍾意就快D Share啦！
|
|
|
