掃呢頁CODE去手機

2013年9月21日 星期六

冷落老婆 馬德鐘換呔大過天




俾錢𢱑水吹

換好呔,馬德鐘入車房俾錢。其間佢繼續同老闆狂吹,完全唔想停。

媽咪姐

冷落老婆 馬德鐘換呔大過天

馬德鐘同老婆張筱蘭有幾恩愛大家都知,之前橫店發生嘅「狼啜事件」都冇影響夫妻感情,繼續手拖手力證情不變。今年五月為慶祝結婚二十周年紀念,兩公婆仲影咗輯婚紗照,恩愛爆棚。

以為雨過天青啦,點知早幾日馬太微博有「微言」,暗示被老公冷落,連 5分鐘傾偈時間都冇,惟有做運動發洩,仲隨即上載「運動照」示威。不過媽咪姐發現,馬德鐘並唔係忙到 5分鐘都冇喎!上周五( 13日)佢單拖由西貢屋企出發,自駕到九龍城換呔,其間同車房老闆吹水十幾分鐘。有時間吹水但冇時間同老婆傾心事,馬生,今次你又斷正嘞!

雞啄唔斷

馬德鐘先同車房老闆遠距離研究架車,後來兩人落手逐條呔驗,互相交流車經。

老婆呻爆

馬太喺微博暗示老公搵藉口唔陪佢。當中「晴天雨天,實在經歷太多」,似乎翻舊帳,暗示橫店「狼啜事件」喎!



鍾意就快D Share啦!