掃呢頁CODE去手機

2013年9月18日 星期三

梁朝偉快閃撐嘉玲




梁朝偉戴住黑超撐嘉玲,面對大部分記者問題都交畀老婆回答,好識做喎!

FBI

梁朝偉快閃撐嘉玲

劉嘉玲投資超過七位數嘅餐飲王國,上星期四( 12日)喺尖沙咀 The One開幕,咁威水,老公梁朝偉梗係乖乖嚟撐場啦。

偉仔喺晚會現身繼續撐老婆,嘉玲話要安排好至畀偉仔試菜,仲形容偉仔係「大爺」,偉仔即笑:「嘩!咁講呀!」講完即行開,場面搞笑。

老公全力支持,除咗同周迅嘅緋聞不攻自破之外,同嘉玲都好有默契㗎!中午開幕禮時,偉仔明知呢日嘉玲至係主角,為咗唔搶老闆娘風頭,只係出嚟飲杯香檳合照吓,配合同老婆耍吓花槍交功課,就交番個主角位畀老婆,適當時候離開。

到咗夜晚酒會,嘉玲換咗套杏色晚裝配襯過千萬首飾出場,風騷主持大局,而偉仔又再嚟撐場,不過冇換衫亦冇多說話,貫徹佢低調性格又唔會搶咗嘉玲風頭,影帝有時都要做吓配角嘅。

後門走先

講唔夠兩句,偉仔就自動由後門離開,由得嘉玲繼續主持大局。



鍾意就快D Share啦!