掃呢頁CODE去手機

2013年10月29日 星期二

張智霖揮低陳豪 攞硬台慶視帝 張智霖,陳豪,

張智霖落實出席馬來西亞的Astro頒獎禮,賽果呼之欲出,連帶台慶頒獎禮的視帝寶座也備受看好。(資料圖片)


張智霖揮低陳豪 攞硬台慶視帝

無綫一年一度頒獎禮又逼近,有傳張智霖(ChiLam)與無綫關係日趨密切,加上已答允明年再「歸隊」拍劇,據知無綫向來「賞罰分明」,所以他絕對有機會揮低熱門陳豪及黎耀祥,初嘗視帝滋味!ChiLam已特意請假出席有如台慶頒獎禮「熱身賽」的馬來西亞Astro頒獎禮,有望先奪男主角,為台慶視帝一獎「鋪路」!

今屆無綫台慶頒獎禮定於12月16日舉行,賽果向來唇齒相依的馬來西亞「Astro我的最愛頒獎典禮」則於12月1日揭開序幕,有指無綫「非親生仔」ChiLam竟特意請假出席此「熱身賽」,難怪盛傳ChiLam對Astro視帝寶座已十拿九穩!至於ChiLam於無綫視帝獎項同樣呼聲甚高,分分鐘揮低大熱黎耀祥及陳豪。

與無綫合作多多

ChiLam憑《衝上雲霄II》人氣再度攀升,早前他簽約新經理人公司前,有指無綫曾出「重酬」望將ChiLam收歸旗下,雖然最終告吹,但ChiLam與無綫關係日趨緊密,除已落實明年合作開拍《衝》劇電影版外,有指無綫亦急急部署,望ChiLam明年答允再拍劇。最近無綫分別於收費電視推出《我們的張智霖》系列,以及稍後於免費台安排重播其主演舊作《西關大少》,落力將ChiLam人氣再推至沸點!

《衝II》令張智霖再登人氣高峰,身旁的影帝級吳鎮宇謙稱自己仍需努力。
  • 《衝II》令張智霖再登人氣高峰,身旁的影帝級吳鎮宇謙稱自己仍需努力。

獲無綫如此「厚愛」,ChiLam昨日接受電話訪問時坦承:「我係會出席Astro喎,因為11月30日我會喺馬來西亞舉行演唱會,都係留多一日啫。(TVB搵你再拍劇?)係有咁嘅打算,都傾過嚇,如無意外會係出年下半年嘅時裝劇。(聽講你今年攞硬視帝?)獎項嘅嘢我多多都歡迎,但平常心啦。(你唔係親生仔都對你咁好?)如果成真,咁咪證明佢哋公平囉。(唔驚畀人話拍劇換獎?)乜有得換咩?我以前年年都拍一套,又唔見頒個獎畀我?哈哈﹗」

ChiLam亦承認為無綫拍劇能達致「雙贏」:「成件事冇負面嘢,咁點解唔做呢?依家只係檔期問題,因為出年我會比較多搞作,想帶啲驚喜畀大家。」問他新劇拍檔和角色等,ChiLam稱「言之尚早」:「遲啲先決定,總之我尊重製作人同團隊,自己唔會有咩特別意見。」

鎮宇祝旗開得勝

同是《衝II》男主角的吳鎮宇,目前正身在內地拍戲,他透露Astro方面未有邀請自己,故屆時不會亮相:「祝ChiLam旗開得勝啦,其實唔係咁多頒獎禮邀請我出席,即係證明我還需努力囉。(無綫視帝有冇信心?)我覺得自己機會不大,但無論如何,TVB係我『母校』,我出年都會返去拍劇。」

文:影視組



鍾意就快D Share啦!