熱爆娛樂: 血染的飛虎

2013年10月4日星期五

周日（ 29日）成班《飛虎 II》喺屯門拍爆破場口，點知爆到兩位主角馬德鐘同鍾嘉欣撻曬落地，全部受傷見紅，嘉欣 BB仲眼濕濕，認真慘豬！

好彩佢哋都冇咩大礙，仲上載醫院相上微博 V曬手「報平安」。其實《飛虎 II》先後仲有其他成員受傷，喺微博曬「紅」。佢哋有幾傷？一齊睇睇！

做得《飛虎 II》女主角嘅嘉欣 BB，都預咗有危險場口，講到明會小心啲，點知因為馬德鐘「墮馬」，結果嘉欣 BB撻生魚咁撻落地，身心都受傷。不過去到醫院護理後又生猛番曬，有番笑容，大家都安心啲。

大男人受傷流血好平常，相信馬德鐘都唔會介意，不過佢今次親手「拋跌」鍾嘉欣，難免有感內疚。除咗現場即時向嘉欣 BB道歉之外，喺微博都承認責任，慰問嘉欣，算係負責任嘅男人。

上一輯《飛虎》戲份重嘅唯唯，呢輯繼續搏到盡。佢 9月初拍一場動作場口受傷，連牛仔褲都穿埋，爆到成身血，仲有心情擺甫士自拍上載微博，好嘢！

蔡淇俊喺《飛虎 II》戲份雖然唔多，但亦不慎受傷，唔會俾人覺得佢「揸流攤」。佢上載受傷照片上微博，損傷都唔少喎，成隻手花曬。

王君馨同唯唯一樣都係拍動作場口受傷，不過王君馨嚴重得多，要喺屋企休息兩個禮拜。呢段受傷期間佢都撐住支枴杖繼續工作。

鍾意就快D Share啦！