掃呢頁CODE去手機

2013年10月4日 星期五

喬寶寶回歸復出




喬寶寶喺英國生活都算優遊,吃喝玩樂唔少得。臨返香港前,仲特意陪老婆去食大餐。

媽咪姐

喬寶寶回歸復出

早幾個月先離開香港嘅喬寶寶,失驚無神又返咗嚟!媽咪姐同佢傾開,原來佢老婆獲批三年蘇格蘭嘅居留權,所以揸英籍嘅佢唔使再陪坐,可以回港工作喎。佢仲好開心話,返嚟拍劇登台唔少得,仲希望做生意㖭,不過資金就要等老婆第二次批居留權後先可以鬱得。據聞佢依家已經有舞台劇同電影喺手,以佢「爛做」性格,回歸舊時應該唔難嘅。

老婆攞到身份證,成家仲開心過執到金。大仔(右)同細仔(中)直情笑到四萬咁。

喺英國居住期間喬寶寶不時會出席當地華人舉辦嘅聚會,絕對不愁寂寞。



鍾意就快D Share啦!