洪永城麻甩 採礦扯煙

洪永城雖然貴為無綫當紮藝人，不過始終未脫麻甩本色，一班麻甩佬喺廟街吹水嗰陣，洪永城連扯兩支煙先頂到癮。

媽咪姐

洪永城麻甩　採礦扯煙

有線孖寶黃翠如同洪永城跳槽無綫後，因有高層餘詠珊力撐，於是長做長有，真係恨死隔籬。就講洪永城呀，做完《走過浮華大地》後，即接拍新劇《愛我請留言》，喺劇入面，仲拍住黃浩然做男二號。不過咁，正所謂「江山易改」，人紅啫，性格未必會變。前幾日，媽咪姐喺沙田撞到永城 BB，竟然見佢啱啱當街開完礦，手都未洗，就走入去無印揀衫，仲要逐件拎起喎，諗起都……

之後又見佢同幾個朋友去廟街打邊爐，但坐落唔夠半粒鐘，就要走出門口煲煙兼吹水。雖然最後都識整熄支煙揼入垃圾桶，但話曬依家出鏡率高咗，好多人認得佢，所以形象呢家嘢好緊要㗎，乜餘高層冇提點佢咩？

喺商場濕平嗰陣，洪永城忽然當街「採礦」，之後直殺入無印揀衫， Sales姐姐真係多得你唔少。

洪永城同黃翠如喺新劇《愛我請留言》分別為男二及女一。有高層「射住」，真係零舍唔同。

鍾意就快D Share啦！

下一篇 》