掃呢頁CODE去手機

2013年10月3日 星期四

《巨聲》坤哥 鍾愛大波






視周秀娜為偶像嘅坤哥,原來睇中同樣好波嘅阿雪,前一晚見完,第二朝又約埋食早餐,見少陣都唔得。

同你吟一吟

《巨聲》坤哥 鍾愛大波

《巨聲》 2幫出身嘅坤哥吳業坤,參賽期間已經自爆鍾意周秀娜,早排仲有機會同女神一齊去沖繩拍旅遊節目《度身訂造旅行團》。

坤哥擺明鍾情好波之人,追女仔,更加。早排《壹》仔連續兩日撞到坤哥同無綫小咪神阿雪孫慧雪拍拖行街撐枱腳,第一日去九龍灣 shopping晚飯直落,隔唔夠十二小時,第二朝住觀塘嘅坤哥晨早流流就去到阿雪嘉亨灣屋企樓下,陪女友去鯉景灣食早餐。

坤哥唱得,最近阿雪又學人唱歌,仲將作品放上網,俾人讚把聲似孫燕姿;志趣相投,加上阿雪又咁好身材,呢杯茶,坤哥啱飲!



視周秀娜為偶像嘅坤哥,原來睇中同樣好波嘅阿雪,前一晚見完,第二朝又約埋食早餐,見少陣都唔得。

早排坤哥同娜姐一齊去沖繩,女神仲餵佢食雪糕,開心到暈。

拍拖行九龍灣德福,阿雪體貼幫坤哥度身,晚飯又幫手夾餸。



鍾意就快D Share啦!