掃呢頁CODE去手機

2013年10月16日 星期三

拳王狂操 JM變女版張家輝




俾拳王杜恆霖(右)操到有 6嚿腹肌嘅 JM,真係同平時扮到靚靚出活動個款差好遠,如果影埋正面相仲「正」喎。

FBI

拳王狂操 JM變女版張家輝

張家輝效應,搞到娛圈中人個個操肌,關楚耀、張繼聰等爭住上微博曬 body,連肥開嘅杜汶澤都竟然有人魚線同尖尖面。

空中瑜伽

除咗打拳同做 gym, JM仲有玩空中瑜伽,操肌方法極多元化。

人人變肌神,估唔到連女神 JM(文詠珊)都忍唔住騷吓料。拍緊由《寒戰》導演陸劍青同梁樂民執導嘅新戲《大峽穀》(前名:《赤道》)嘅 JM,要同前輩張學友、張家輝合作,又有餘文樂同韓國型男崔始源,點可以唔以最 top狀態埋位? FBI收到風,原來 JM唔聲唔聲,已經練到成個女版張家輝咁款。

做 gym

操練有成果, JM開始有老鼠仔喇!

Keep住每星期操幾次,咁辛苦做 gym,當然又要擺啲流汗相上微博、 Instagram博 like!

𠵱家跟緊有香港拳王之稱嘅杜恆霖學拳嘅 JM,前排同 FBI分享瘦身成果。「我係為套戲而操,都練咗幾個月喇,除咗學拳仲有做 gym,一個禮拜要練幾次㗎!𠵱家 keep住 97磅。係瘦,其實我想肥啲,不過自己食好少肉,加埋咁操法,想肥都幾難。」靚咗 fit咗當然肯同人講啦,不過一問到新戲做乜角色要騷 6嚿腹肌, JM即時拉鏈口封嘴,「套戲未攞到批文,所以乜都唔講得住。」

《大峽穀》開拍以來非常神秘,拍攝超過 1個月,但傳媒只係影到一、兩次外景!鬼咩,原來仲未攞到批文!

《蘋果日報》圖片

《蘋果日報》圖片



鍾意就快D Share啦!