2013年10月16日 星期三

夏韶聲:慈禧見過 UFO




FBI

夏韶聲:慈禧見過 UFO

香港唔係第一次有人話見到 UFO,不過一係拍得唔清唔楚,一係來源不清有作假嫌疑,所以最近前無綫記者吳曉東話佢細佬喺青衣拍到 UFO,條片即刻被瘋傳。 FBI打畀吳曉東求證,佢就話唔敢肯定:「條片唔係我影,係我細佬影,因為喺我屋企附近青衣影到,我肯定片源唔係造假,先至攞出嚟分享吓啫。

其實吳曉東弟弟拍得疑似 UFO喺青衣上空出現嘅短片,吳曉東之後喺自己 facebook分享,即成為城中熱話。

其實有人話我細佬拍嘅係 UFO,有人就話係金星,我兩樣都唔可以肯定。我係記者,乜都要講證據。」至於一向沉迷外星文化嘅夏韶聲就比吳曉東肯定得多:「嗰條片影到嘅肯定唔係金星…… UFO講緊每隻都有一千幾百年壽命,全世界咁多年都係影到呢個款有咩咁奇?話唔埋慈禧太後當年都係見呢款添!」吓?慈禧太後見過 UFO?邊個史書有記載?

𠵱家已轉做老闆經營 EyePress通訊社嘅吳曉東,話記者精神要有證據先會報道,所以弟弟條片內嘅不明飛行物,佢並非以記者身份轉載。

睇番吳曉東 fb有趣發現,就係今年嘅大年初一,佢同埋一班前 TVB同事,去咗前 TVB新聞部揸 fit人黃應士屋企拜年。 FBI見到呢班昔日走在前線、跑新聞跑到去世界各地嘅前 TVB記者,個個都退出幕前,真係感嘆「歲月如歌」囉!



鍾意就快D Share啦!